ALTO Bar & Grill

營業中

休息中

平安夜晚餐688蚊一位，要預先比680蚊訂。滿心歡喜去慶祝，一開始就比一個麵包我食，之後等左20分鐘先再上個湯。嘩，呢個洋蔥湯，份量少得可憐，而且係我人生飲過最咸既洋蔥湯，咸中帶苦，好難飲，好彩咁細碗，原來有原因的。之後就黎個雞肝鵝肝醬+半個麵包，味道普通，無特別。跟住就上個一分好細既龍蝦沙律，呢個係全晚最好食既，因為係生菜加龍蝦肉加千島醬，完全無難度。主菜我叫左牛面頰，另一位叫左tuna steak, 2份嘢都係乾爭爭，味道好淡，肉質好鞋。最後到甜品，有2個，賣相成篤爛屎咁，我都唔多講，大家自己睇相吧。呢一餐絕對唔可以講係fine dinning.咁既價錢，唔會再去囉。