影片
更多
2019-12-11
2843 瀏覽
2年幾前喺餐廳啱啱開嘅時候，我已經嚟過一次，都幾唔錯。仲記得當時係喺睇演唱會前食，因為餐廳個位置都有啲啲隔涉，旺角東火車站行嚟係最近。呢日約個friend食晚飯，大家講起嗰陣喺英國讀書時食過有間好出名嘅flat iron，就提議不如食top blade啦！雖然知銅鑼灣開咗分店，但大家都返九龍，就決定嚟何文田食。由於預唔到幾點放工，所以無book定枱。估唔到我哋成8點先去到，都竟然要等位，爆場坐滿哂，留意返呢晚只係星期三晚！好彩都係等咗10分鐘內就入得👏。一入到去，有位資深啲嘅店員就問我哋有無食過，再即刻介紹返有乜食，同埋每款flat iron有咩特色同建議熟成度，勁informative啊😎。呢到對於有選擇困難症嘅人嚟講會比較好，因為主食得6款揀，3(+1不在menu上)flat iron，1豬鞍扒同1漢堡包，選擇比開業時多。不過一心想食牛🐮，所以無考慮豬同包。呢到其中一個賣點係有任食薯條🍟，外型無咩特別，似幼身麥記嗰種，但食落熱辣辣好正，估計應該要不斷即炸，因為個個都會添食嘛。薯條最特別係一食落就會發現有好香嘅松露味😍，賣飛佛！題外話，主要有個帶眼鏡嘅店員哥哥負責問客人使咪加薯條，佢
2年幾前喺餐廳啱啱開嘅時候，我已經嚟過一次，都幾唔錯。仲記得當時係喺睇演唱會前食，因為餐廳個位置都有啲啲隔涉，旺角東火車站行嚟係最近。呢日約個friend食晚飯，大家講起嗰陣喺英國讀書時食過有間好出名嘅flat iron，就提議不如食top blade啦！雖然知銅鑼灣開咗分店，但大家都返九龍，就決定嚟何文田食。由於預唔到幾點放工，所以無book定枱。估唔到我哋成8點先去到，都竟然要等位，爆場坐滿哂，留意返呢晚只係星期三晚！好彩都係等咗10分鐘內就入得👏。
一入到去，有位資深啲嘅店員就問我哋有無食過，再即刻介紹返有乜食，同埋每款flat iron有咩特色同建議熟成度，勁informative啊😎。呢到對於有選擇困難症嘅人嚟講會比較好，因為主食得6款揀，3(+1不在menu上)flat iron，1豬鞍扒同1漢堡包，選擇比開業時多。不過一心想食牛🐮，所以無考慮豬同包。
呢到其中一個賣點係有任食薯條🍟，外型無咩特別，似幼身麥記嗰種，但食落熱辣辣好正，估計應該要不斷即炸，因為個個都會添食嘛。薯條最特別係一食落就會發現有好香嘅松露味😍，賣飛佛！題外話，主要有個帶眼鏡嘅店員哥哥負責問客人使咪加薯條，佢超nice同埋好好笑容👍。
餐湯同沙律就自由選擇加配，加$48就可以要齊一套，或者同款要兩份。胃食嘅我哋就梗係一人一套啦🙈，好彩早啲落咗單，晏少少就已經無咗餐湯了...。餐湯係忌廉周打蜆湯，超多料有蜆有薯仔。至於🥗Superfood沙律都唔錯，有好多藜麥同唔少蟹肉，個汁就甜甜地，開胃。
食完一輪，主角終於出場，香草平鐵牛扒($150)，herbly flat iron steak with roasted whole garlic and fresh rosemary🥩🌿。呢款有得揀增量裝，加$50，我哋就無加到了，因為食扒好易飽。牛扒已經切好咗一片片，啱哂懶豬食。餐廳建議熟度係五成medium，而佢又真係煮到啱啱好，肉身呈現粉紅色💗，無血水。味道有炭燒香味，食到原汁原味，肉嫩，但無咩seasoning，可以加少少鹽吊吊味。伴碟就有原個蒜頭。
另外要咗期間限定嘅♠️黑桃平鐵牛扒($238)，black jack flat iron，配上秘製嘅黑啡蜜糖醬汁。呢款就係原塊牛扒上，都幾厚身，下低就係有幾嚿蜜桃🍑，餐廳建議熟度係三成medium rare，所以比較生，如果唔鍾意可叫佢整熟啲。呢款就入味啲，因為個汁有蜜糖味甜甜的，但就食唔出咖啡☕️。不過肉質就無原味嗰件咁嫩，邊位有少少筋，但都唔錯。
兩款都各有千秋，真係好難決定話邊款好食啲。兩件扒嘅份量本身就唔算好大，但因為又有薯條、湯同沙律，食哂成set就好飽飽🤰。不過因為薯條係另上關係，變咗無咩其他伴菜伴碟，牛扒賣相單調咗少少，哈哈。
飲品我哋都不約而同地叫咗真dirty檸檬特飲($70)🍋， really dirty lemonade，哈哈個名好正。真。Dirty係咪因為加咗whisky？個樣都幾靚，有條rosemary襯托下，味道都ok，但唔算好特別，呢個價錢就貴咗少少。
總括嚟講，呢餐嘅平鐵牛扒都算幾唔錯，叫做食咗2款口味，加上有松露薯條任食，一定夠飽👍。餐廳嘅定價就中等啦，人均要$300幾，但有成個牛扒套餐🥩食，都ok啦。店舖細細，樓面有3位店員，全部都好好服務，對食物有充份了解，埋單時又問我哋啱唔啱食。環境都光猛乾淨，黃色主題加上霓虹燈，但就唔算好闊落，不過佢哋都好細心有預個籃比食客放個人物品。
張貼
