影片
更多
2024-06-10
36 瀏覽
一直都好想試下呢一間大受好評嘅重房, 最近搬遷後終於重開啦!於是今晚就約埋好姊妹一齊去試下啦! 晚市18品包括前菜、刺身、壽司、手卷、熱食、吸物同甜品都係人均$1580, 食材質素相當高質, 絕對食得飽飽, cp值相當高! 係車車絕對會回訪嘅餐廳! 一入門口就係一張場場嘅L型吧台, 當晚坐係師傅前面一邊品嚐美食, 一邊欣賞師傅嘅刀功同烹調技巧, 確實係賞心悅目, 最令車車難忘嘅就係佢地每一道菜嘅味道都係剛剛好, 好合車車口味☺️!前菜✨️白酒啫喱蕃茄&醃漬南瓜白酒製成嘅啫喱令蕃茄甜味更突出, 口感清爽開胃, 醃漬南瓜口感軟腍幾好食刺身✨️原隻北海道紫針海膽用上原隻當造嘅北海道紫海膽搭配白蝦、三文魚子同法國caviar，上面仲放有食用銀薄做裝飾, 入口啖啖鮮味湧出, 口感同層次感極為豐富, 名副其實嘅睇得又食得✨️清柳貝&象拔蚌清柳貝同象拔蚌都係非常爽甜嘅貝類, 配搭特製既豉油粉調味, 食落清新鮮味, 好有驚喜✨️蜜柑鯛經過四日熟成既蜜柑鯛搭配搭鮮柚子皮, 食落口感清新富橘香, 口感彈牙✨️富山灣螢光魷魚師傅用火槍將螢光魷魚燒香, 配上五色芝麻碎同芽蔥,香口得嚟有少少似食煨魷魚嘅味道, 係車車喜歡嘅
前菜
✨️白酒啫喱蕃茄&醃漬南瓜
白酒製成嘅啫喱令蕃茄甜味更突出, 口感清爽開胃, 醃漬南瓜口感軟腍幾好食
刺身
✨️原隻北海道紫針海膽
用上原隻當造嘅北海道紫海膽搭配白蝦、三文魚子同法國caviar，上面仲放有食用銀薄做裝飾, 入口啖啖鮮味湧出, 口感同層次感極為豐富, 名副其實嘅睇得又食得
✨️清柳貝&象拔蚌
清柳貝同象拔蚌都係非常爽甜嘅貝類, 配搭特製既豉油粉調味, 食落清新鮮味, 好有驚喜
✨️蜜柑鯛
經過四日熟成既蜜柑鯛搭配搭鮮柚子皮, 食落口感清新富橘香, 口感彈牙
✨️富山灣螢光魷魚
師傅用火槍將螢光魷魚燒香, 配上五色芝麻碎同芽蔥,香口得嚟有少少似食煨魷魚嘅味道, 係車車喜歡嘅味道!
✨️長崎華𤂍小長井生蠔
E款最近好當造嘅生蠔, 色澤呈珍珠白色, 感覺唯美, 搭配左紫蘇花、木魚水製作既土佐醋啫喱同清爽既蘿蔔蓉, 入口清新爽甜爽帶點海水味
✨️岩鹽大拖羅
大拖羅肥美甘香, 入口即溶
✨️鮟鱇魚乾蘿蔔蓉配鱈魚乾
E道又係一道睇得又食得嘅菜式, 用上蒸熟左嘅鮟康魚肝混合蘿蔔製作成慕絲狀, 放係燒過嘅嘅鱈魚乾上, 再撒上日本食用花做裝飾, 一啖入口大滿足, 由於加入左蘿蔔嘅關係, 所以食落去冇咁膩, 仲豐富左個口感
熱食
✨️金雕立鱗燒
鯛魚立鱗燒外層脆卜卜, 魚肉紮實啖啖肉, 另一邊係用南瓜製作而成嘅份子料理, 其實係用啫喱包住嘅南瓜湯嚟, 咬落去湯汁會爆出嚟, 甜甜地好味又得意
壽司
✨️中拖羅
中拖羅用左少許用蜆肉炒香過既鹽嚟調味, 加埋吞拿魚腦天, 配埋紫蘇葉, 用紫菜包住同食,
油香四溢, 層次感極為豐富
✨️赤貝
食落爽脆彈牙, 鮮甜無比
✨️炭燒深海池魚
經網燒後將濃厚嘅油香迫出, 食落口感肉嫩肥美, 油香滿滿
✨️赤身醬油漬
經醬油漬過嘅赤身吞拿魚變得香軟, 而醬油嘅鮮香更能帶出赤身嘅鮮甜
✨️鯖魚
鯖魚肉味濃而且油份高, 配上五色芝麻碎調味, 酸酸地好開胃
✨️北海道海膽飯
望住師傅毫不留情地將大大份海膽放上飯上, 再搭配海苔同沖繩淡雪鹽, 人口即溶, 味道甘甜, 質感細膩
✨️白身魚濃湯
濃郁嘅魚湯魚用左魚、豬骨同其他材料製作, 湯汁呈奶白色, 膠原滿滿, 味道鮮甜, 好有一種中式湯嘅感覺!
✨️奶油千層蛋糕
千層蛋糕中間夾有車厘子果蓉同奶油, 所以食落一d都唔膩, 為豐盛嘅晚餐劃上完美嘅句號
張貼
