雲家小鍋米線 (328廣場)

營業中

休息中

今晚我嚟到雲家小鍋米線食飯，依一間米線舖喺荃灣嚟講都幾有名㗎，一嚟到呢就已經見到好多人喺度等等位。豬扒米線米線嘅份量都幾多，豬扒非常之大塊，炸得幾酥脆，亦都保留咗豬扒入邊嘅肉汁。米線方面，有芽菜，蔥等等唔同嘅配料，配埋佢哋個湯一齊食，味道都唔錯。熱伴米線米線材料都唔少，有肉碎，酸菜，等等。我另外仲加咗牛腩同埋腩肉添，牛腩嘅肉質都幾柔軟，脂肪比例唔算太多。腩肉就煮得幾入味，肥膏亦都唔算多。雞中翼呢一個小菜味道都唔錯，雞翼外皮炸得好酥脆，亦都保留住雞肉入邊嘅肉質，上枱嘅時候仲係熱辣辣，都幾推薦鍾意食雞翼嘅人啊呢個菜。時菜今次嘅時菜係通菜，入口就唔覺得有好多油，亦都唔覺得好肥膩。整體嚟講，我覺得今餐嘅價錢都幾親民，食物質素亦都唔錯，唔怪之得咁多人嚟啦。