影片
更多
2020-04-23
81 瀏覽
觀塘真係臥虎藏龍，雲集左好多出人意表的隱世小店，今次真係好彩撞中呢間咁正嘅店舖，我地附近個幾枱客人，都食到讚不絕口，好值得推介俾大家！呢間有兩個set餐係師傅拍板既，一個$980，一個$1380，分別係貴啲個個多兩份時令刺身，同三款鐵板燒，拖羅蓉手卷變滿滿既海膽盛。我地要左$980既餐，都食得好滿足好飽，附近幾枱食客都係叫$1380個個餐，佢地鐵板燒有焦糖鵝肝多士（好大份好香），同昆布鮑魚燒，有個用鮑魚肝做既醬，好吸引，好羨慕。介紹返我地個餐先，以下係跟返佢出餐既順序黎寫：前菜，冰菜水豆腐配海膽汁好味，鮮甜，靚！（老公好鍾意個海膽汁）我鍾意個冰菜，好爽甜，個樣好靚。間八魚薄切四片配醋青瓜醬海葡萄魚子醬配黑立 魚油味好香，有焦香味深海池魚配三文魚籽金目鯛配姜蓉同芥末籽加辣椒絲 師傅有教我地每樣都夾啲落去一啖食，堅係好食，味道有層次，辣辣地加魚油香味同焦香味好出。拖羅刺身金鯛鐵板燒仲有埋脆脆嘅魚鱗同忌廉汁好好食😋鐵板燒大蝦個蝦真係好大，師傅留左啲煎到脆卜卜又香口既蝦腳俾我哋食，估唔到蝦腳咁好味，仲有蝦頭既蛋白汁，好好食！第一次將隻蝦食得咁精彩！鐵板爐雖然好近我哋，但佢地爐邊已經係抽風位，唔
呢間有兩個set餐係師傅拍板既，一個$980，一個$1380，分別係貴啲個個多兩份時令刺身，同三款鐵板燒，拖羅蓉手卷變滿滿既海膽盛。
我地要左$980既餐，都食得好滿足好飽，附近幾枱食客都係叫$1380個個餐，佢地鐵板燒有焦糖鵝肝多士（好大份好香），同昆布鮑魚燒，有個用鮑魚肝做既醬，好吸引，好羨慕。
介紹返我地個餐先，以下係跟返佢出餐既順序黎寫：
前菜，冰菜水豆腐配海膽汁
好味，鮮甜，靚！（老公好鍾意個海膽汁）
我鍾意個冰菜，好爽甜，個樣好靚。
間八魚薄切四片配醋青瓜醬海葡萄
魚子醬配黑立
魚油味好香，有焦香味
深海池魚配三文魚籽
金目鯛配姜蓉同芥末籽加辣椒絲
師傅有教我地每樣都夾啲落去一啖食，堅係好食，味道有層次，辣辣地加魚油香味同焦香味好出。
拖羅刺身
金鯛鐵板燒仲有埋脆脆嘅魚鱗同忌廉汁
好好食😋
鐵板燒大蝦
個蝦真係好大，師傅留左啲煎到脆卜卜又香口既蝦腳俾我哋食，估唔到蝦腳咁好味，仲有蝦頭既蛋白汁，好好食！
第一次將隻蝦食得咁精彩！
鐵板爐雖然好近我哋，但佢地爐邊已經係抽風位，唔會有油煙攻到過黎，上左碟先會聞到濃濃既香味。
師傳俾左啲佢地自己漬既牛蒡蒜頭漬 蕎頭我地試，蒜頭估佢唔到幾好食，無左佢自己本身既辣同濃烈嘅大蒜味，我地估係用鏗魚粉同麵鼓漬既。
彷彿魚配海葡萄 山藥泥
個魚名咁特別，我地仲特登上google search左，個外型係似飛魚
石鯛壽司
赤身壽司蛋白鋪
藥師魚？壽司（同音，無問到點寫）
大拖羅壽司
拖羅蓉手卷
啲料係多同去到底！好味！
師傅扼壽司既手勢好正，剛中帶柔，太極咁既感覺，點少少水，拍一下手，師傅一隻手整緊其他食材，一隻已經攞緊啲飯，動作十分之俐落，好型！
成間餐廳都係bar枱位，由三位師傅主理，左手邊係鐵板燒，中間係手扼壽司，右手邊係做刺身或創作料理，坐係度等食，不斷有野睇，我覺得十分之享受，唔會悶場，仲可以八下隔離食咩😆
鐵板師傅手藝非常輕盈，慢慢的安靜的，佢地既擺盆非常之精緻，佢地有好多小樽仔放唔同既配料，動作非常之流暢，好佩服佢地記得晒啲食材放邊。
師傅每次送上餐點時，會同客人介紹一下用咩食材做，同埋食法，非常之互動，如果你食得開心，師傅都會笑得好開心。
有客人覺得好食問返師傅，言談之間覺得師傅們對自己的手勢同食材好有信心。
食完之後，我覺得佢哋既自信非常之合理，平平無奇既一碗湯或者漬物，出於佢地手，都可以變得好美味，多謝師傅整啲咁美味既野我地食，個痴所沙媽爹打！
介紹返先，餐廳有做壽司餐或單點，有刺身飯，亦有做午餐，價錢合理，有啲餐牌見佢無人影過，而食評只可放12張相，我另外將影左既餐牌放左只上傳照片個度，大家可以睇下相片餐牌個度。
張貼
