樂酒場 がくさかば

呢間超有日本feel既日式居酒屋🏮，就係位於尖沙咀嘅 🔅樂酒場🔅 ，好適合gathering！天氣咁熱坐低即刻叫返杯嘢飲，睇餐牌見到冰菠蘿燒酎有塊好大既菠蘿，所以即刻叫咗佢，菠蘿清甜嘅味道加上燒酎，非常冰凍，即刻降溫！迷の刀五 刺身盛合 - 一共有五款唔同嘅刺身，包括三文魚、吞拿魚、油甘魚、甜蝦同劍魚，全部好新鮮，而且仲好厚切！三文魚層層疊 - 呢度菜好特別，係一座三文魚山，上面有千島醬，上菜後店員會用火槍燒燒佢，即時香味四溢，下面墊住既係小卷，可以連埋上面嘅三文魚一齊食牛油果生葵漬 - 牛油果軟硬適中，估唔到牛油果配上生葵同醬油係咁好食！清酒煮白蛤鍋 - 清酒味香濃，並無因為烹調過後而令到酒味全失，白蛤肥美厚肉，好鮮甜，令到個清酒湯增添鮮味及帶有清酒香A4和牛壽喜燒 - 和牛脂肪分布平均，入口即化，鍋底仲有好多唔同嘅配料，2個人絕對夠食滿滿海膽杯 - 擺盆非常靚，滿滿嘅海膽再加三文魚子，呢兩樣食材給合埋一齊絕對係最佳拍檔呢度既氣氛真係好好，下次都要再同一大班朋友嚟！