影片
更多
2024-12-23
491 瀏覽
《幕多》醬油蝦🦐濃湯麵 🍜📍尖沙咀漆咸圍1-3號多福大廈地下A號舖呢間店應該都不用多介紹，求其網上 search 一下，都大把網民，大把 Youtuber 介紹過。我都唔係第一次食，不過之前冇寫食評，今次補返。以下係食評：香味 (4/5)個蝦🦐湯本身都夠晒香，上碟時，仲會額外响個客面前加蝦油。香味撲鼻，都冇得輸。稍稍可以挑剔一下係，除左蝦味就聞唔到其他味了，少了點層次感。湯 (4/5)就好似個名咁，真係相當濃郁嘅蝦湯，鹹度剛剛好唔會過鹹，creamy，濃稠，好好味。醬油味基本上比個蝦味冚左，只有薄薄嘅醬油味，唔係話好覺。麵條 (3/5)我就麻麻地鍾意。中細直麵，個麵煮到偏腍，配埋個相當濃稠嘅湯，口感糊糊地。配料 (5/5)呢個價格，配三隻中size嘅鮮蝦，又新鮮，肉又結實，仲要剝埋蝦殻，近乎係完美。基於人貪得無厭嘅心態，我會諗，如果多塊豬叉燒就真係完美喇，不過因為呢碗係蝦拉麵，我就諗吓算了，冇因為咁扣分。另外加左 $38 追加左醬油蠔，有兩隻，新鮮，肉嫩，鮮甜，又係近乎完美。整體 - 值得推薦 👍👍👍👍 基本上，無論你對拉麵要求有幾高，如果你食過呢碗麵，我相信你都會相當滿意。
📍尖沙咀漆咸圍1-3號多福大廈地下A號舖
醬油蝦🦐濃湯麵 🍜
$118
0 瀏覽
0 讚好
0 留言
呢間店應該都不用多介紹，求其網上 search 一下，都大把網民，大把 Youtuber 介紹過。我都唔係第一次食，不過之前冇寫食評，今次補返。
以下係食評：
香味 (4/5)
個蝦🦐湯本身都夠晒香，上碟時，仲會額外响個客面前加蝦油。香味撲鼻，都冇得輸。稍稍可以挑剔一下係，除左蝦味就聞唔到其他味了，少了點層次感。
湯 (4/5)
就好似個名咁，真係相當濃郁嘅蝦湯，鹹度剛剛好唔會過鹹，creamy，濃稠，好好味。醬油味基本上比個蝦味冚左，只有薄薄嘅醬油味，唔係話好覺。
麵條 (3/5)
我就麻麻地鍾意。中細直麵，個麵煮到偏腍，配埋個相當濃稠嘅湯，口感糊糊地。
配料 (5/5)
呢個價格，配三隻中size嘅鮮蝦，又新鮮，肉又結實，仲要剝埋蝦殻，近乎係完美。基於人貪得無厭嘅心態，我會諗，如果多塊豬叉燒就真係完美喇，不過因為呢碗係蝦拉麵，我就諗吓算了，冇因為咁扣分。
另外加左 $38 追加左醬油蠔，有兩隻，新鮮，肉嫩，鮮甜，又係近乎完美。
醬油蠔
$38
0 瀏覽
0 讚好
0 留言
整體 - 值得推薦 👍👍👍👍
基本上，無論你對拉麵要求有幾高，如果你食過呢碗麵，我相信你都會相當滿意。
張貼
