究極堂 (蜆殼街)

營業中

休息中

無意中發現咗呢間好食得嚟又幾有feel嘅日本餐廳，環境坐得幾闊落，幾舒適，同日本當地嘅居酒屋一模一樣，幾啱同朋友chill吓傾吓偈，飲下酒都係個唔錯嘅選擇！嘢食嘅款式非常多，壽司刺身丼飯你諗到嘅都一定有，我哋嗌咗個半熟秘醬三文魚丼同埋山芋泥碎拖羅丼，兩樣都係百零蚊，但係份量好多，而且食材好新鮮，半熟三文魚丼幾特別，平時食開都係生三文魚丼，今次第一次食半熟，估唔到又有口感，感覺幾新鮮，又幾好食，下次有得揀嘅話，我諗都會揀返半熟三文魚丼，未試過嘅都幾推薦試吓！三文魚刺身係超級厚切，油脂分布鮮明，一睇就知道係新鮮，入口嫩滑，好食！花之戀同樣出色，配埋沙律醬同埋魚籽，令到味道同埋口感更加多元化，更加有層次！最有驚喜嘅一定係脆香辣三文魚卷，真係估唔到微微嘅辣配埋三文魚卷係咁夾，最正嘅係佢真係煎到塊三文魚脆卜卜，無論口感定係味道都衝擊我嘅味蕾，大力推薦！