Chatterbox Café (K11 Musea)

營業中

休息中

新加坡名物嘅海南雞喺香港都食到啦！雖然仲未有機會去旅行，但可以喺K11食到鼎鼎大名嘅海南雞飯。文華海南雞飯 $118必食招牌菜，雞肉肉質嫩滑有雞味，無骨啖啖肉又肥瘦適中，一個人可以食哂成碟雞；油飯粒粒分明，入口甘香軟熟；雞湯清甜，提提大家，食雞的時候記得蘸辣椒醬、薑蓉和醬油，豐富味道層次。咖喱豬肋骨煲配白飯 $118熱辣辣成個煲上檯，keep住夠哂熱，咖喱味唔會一味死辣，反而好惹味。豬肋骨好入味，仲有薯仔、茄子等配料，佐飯一流。特色咸蛋雞翼 $78超邪惡美食，一客有6件，厚厚一層鹹蛋黃，味道超級濃郁，仲帶少少微辣，外皮香脆，惹味度十粒星！星洲彩色刨冰 $58賣相夠哂colorful，一睇個樣就知透心涼，除咗冰之外，仲有綠豆、紅豆、涼粉等等，材料豐富。原個鮮椰青 $48原個椰青上檯，味道清甜，清熱又解渴。