潮盛館

營業中

休息中

今晚去觀塘潮盛館食潮州菜。鵝片拼盤（雙拼）同鵝腸 $228鵝片肉質鮮嫩，鵝腸滷得入味，爽脆彈牙，食落口感一流。 潮盛拔絲咕嚕肉 $138外層脆脆的，內裏嘅豬肉嫩滑，酸甜醬汁均勻包裹住每一件肉，唔會太膩，真係令人停唔到口，個菠蘿先係重點，酸甜適中爆晒汁，正。 方魚肉碎粥 $108本身想要蠔仔粥，可惜沽清，所以揀了另一款。粥唔係綿密個種，係潮式仲有粒粒米飯的一種，方魚嘅鮮味完全滲入粥度，再加上肉碎嘅香味，朋友都話呢個粥好有層次感，幾好食。 鹽香海蜇手撕雞(半隻) $118海蜇脆口，雞肉嫩滑，鹽香味道剛剛好，唔會太鹹，配埋啲芫茜，清新又開胃。下次會再嚟試下其他菜式！