Hea Ha Hea Ha 居酒屋

營業中

休息中

餐廳食物主打有沙律、串燒、炸物、燒物、蔬菜，食物種類非常豐富。同朋友邊食嘢邊傾下計，呢度係一個唔錯既選擇，想飲酒既呢度都有唔少日本酒既選擇。入座每人都有一份前菜，另外叫左個冷豆腐。炸物叫左唐揚炸白鱔，白鱔炸到外層香脆，魚肉滑溜。串燒 : 雞翼、西班牙豬肋骨肉、熊本豬腩肉、鹽燒大白鱔，串燒火喉好夠。推介熊本豬腩肉同大白鱔，豬腩肉燒過後油脂不多，但仍保留油香，燒大白鱔肉厚鮮味，只灑上鹽調味已經好足夠。牛根大根味噌 : 牛根好稔好滑，用味噌煮好好食，大根都好入味、好甜。北海道蟹肉湯飯 : 個湯有香濃蟹的鮮味，啖啖湯飯都用蟹肉。