Little Fresh Cafe & Bar

營業中

休息中

喺朋友嘅推薦下先知原來銅鑼灣有一間主打平民法國菜嘅餐廳。一入到餐廳個感覺都好舒服，以柔和嘅燈光營造氛圍。餐廳得大概5-6張枱，由一位廚師主理。 🔆前菜 - 田園沙律 & 是日餐湯 沙律菜好fresh，個醬酸酸地好適合做開胃菜。餐湯係每日都有機會唔同，今次用甘筍主打嘅濃湯，飲落一d都唔膩。 🔆Today Special Today Special係三文魚蒜香扁意粉，三文魚係微微地煙熏過，個醬汁mix咗蒜香&cream，再加上新鮮嘅香草點綴，增加咗菜式嘅層次感同埋色彩 👍🏻 🔆法式油封鴨髀 被餐牌上寫嘅 ‘4天風乾12小時慢煮’吸引咗。或者係經歷數日風乾，再加上慢慢係油中煮咗長達12個鐘，呢種獨特的烹調技術令鴨肉嘅質感超級嫩滑，有種入口即溶嘅感覺，加上法式配菜，味道豐富而層次分明。