久両菜

營業中

休息中

中環街市一家新潮的潮州菜，佢D野碟頭比較細，所以可以叫多D野試，就好似我地兩個人就叫了四個餸。蔥油腐竹係呢度嘅廚師推介，算係餐前小食，味道唔錯，清清爽爽咁。春菜雞煲就頂替咗平時嘅炒菜，佢D春菜都幾新鮮，個湯唔太鹹可以飲埋佢。糖醋麵真係好食，不過係花時間整嘅，所以如果要叫就最好一坐底就叫咗先，然後先至慢慢睇其他餸菜。個麵夠香脆，食得出用高湯燴過嘅味道。普寧炸豆腐都唔錯，入面嘅豆腐都算滑。呢度嘅茶位比例驚人，要$18一位，仲要加一，即係差唔多$20一位。