影片
港鐵香港站 C 出口, 步行約4分鐘
繼續閱讀
電話號碼
21171919
營業時間
今日營業
11:30 - 16:30
17:30 - 23:00
星期一至日
11:30 - 16:30
17:30 - 23:00
以上資料只供參考, 請與餐廳確認詳情
🥰 大學時期, 某 學長 經常講 “久両菜”, 聽到一頭霧水, 原來佢意指 “攪L錯”. 早前聽聞 中環街市 新開咗間潮州菜, 取名 “久両菜”, 真係咁大膽?📖 翻查資料: 原來 “久両菜” 意指 抵食夾大件. 聽講港式中餐 “例牌” 嘅主料為 “六両”, “九両” 即係 “例半”, “九両菜” 當例牌菜上枱, 物超所值, 九變久, 取其長長久久. 英譯 Gu Liang Cai.🏘️ 餐廳位置中環街市一樓, 半開放式, 即係路人甲乙丙都可以睇到食客, 設多張圓枱方枱, 部份單邊梳化位, 裝修擺設扮懷舊, 又霓虹燈, 有趣!📖 餐廳屬 Lubuds 集團, 由名廚邵德龍師傅夥拍潮州師傅主理. 今晚點咗幾道熱門菜: 鵝片, 鵝肝, 潮州生醃蝦, 金不換花甲煲.🥰 鵝片 併 鵝肝, $198. 鵝片, 第一啖鹵水味道吸引, 鵝肉唔勒, 但鹵味唔入肉, 又缺乏甘香. 鵝肝, 非常軟棉, 雪糕口感, 可惜食落內外有溫差, 鹵味又係攻唔入, 失望!🦐 潮州生醃蝦, $188. 喂, 真係唔夠味喎. 配汁偏淡, 又黐唔住隻蝦. 🐚 金不換花甲煲, $228. 花甲啱啱熟, 肉嫩鮮美, 金不换提鮮又搶味道, 可惜湯汁太少.🤗 總結: “久両菜” 走中檔路線, 茶芥位位 $18, 開瓶費 $200, 半大排檔格局, 座位舒服, 適合傾計. 論食物, 材料還可以, 但味道與期望有落差, 鹵水唔夠入味, 生醃蝦又不知所措, 係性價比同地理位置有優勢.
繼續閱讀
中環街市一家新潮的潮州菜，佢D野碟頭比較細，所以可以叫多D野試，就好似我地兩個人就叫了四個餸。蔥油腐竹係呢度嘅廚師推介，算係餐前小食，味道唔錯，清清爽爽咁。春菜雞煲就頂替咗平時嘅炒菜，佢D春菜都幾新鮮，個湯唔太鹹可以飲埋佢。糖醋麵真係好食，不過係花時間整嘅，所以如果要叫就最好一坐底就叫咗先，然後先至慢慢睇其他餸菜。個麵夠香脆，食得出用高湯燴過嘅味道。普寧炸豆腐都唔錯，入面嘅豆腐都算滑。呢度嘅茶位比例驚人，要$18一位，仲要加一，即係差唔多$20一位。
繼續閱讀
聽呢間餐廳個名聽咗好耐今日終於可以有機會試到，新派嘅包裝去做懷舊嘅潮汕風味菜果然係別具特色。要講潮汕風味點少得佢嘅鹵水鵝，我哋叫咗個鹵水鵝肉拼鹵水豬手，佢個鹵水都幾香，份量亦都畀想像之中多，始終呢啲新派嘅餐廳有時畀啲份量好得人驚㗎。你煮食就叫咗糖醋麵，落單嘅時候是話我哋知要等45分鐘，搞到我哋好期待，佢個糖醋麵又真係唔錯，煎得夠薄夠脆又唔會太過油膩。佢啲裝修都幾有特色幾靚㗎，價錢略高但係味道同埋服務都滿意嘅。
繼續閱讀
呢間嘢點解可以開係中環，呢鑊真係搞兩錯，我1150入去話十分鐘兩個人就齊，佢叫我喺出面罰企，我知道午市多人，但係我見到裏面大把空位， 我講明話十分鐘齊就一定齊，叫我企喺門口， 馬上掉頭走 幾好食都係假，潮州佬,返去北角深水埗開舖啦，中環講禮貌唔啱你，扯把啦
繼續閱讀
中環街市有一間潮州菜館叫久両菜，係煮D 新派慢煮滷水拼盤有潮式凍魚有生醃海鮮有反沙芋有煎蠔烙，佢都有LUNCH SET的，係食打冷的，招牌係由邵師傅特別調製的邵師傅辣滷水，滷水豬雜，有加入了潮州南薑、四川花椒等香料，味道增添麻香滋味。其他滷水菜式還有滷水米鴨滷水墨魚滷水豬腩肉滷水豆腐，LUNCH SET得好少滷水同肉肉的。久両菜地址：香港中環德輔道中80號及皇后大道中93號中環街市一樓124至125號舖
繼續閱讀