莆田

營業中

休息中

今日嚟到位於中環嘅莆田食飯，餐廳嘅佈置非常之優雅，座位亦都好闊落，令到我成餐都坐得好舒服。最近莆田做緊鰻魚嘅菜式，我哋亦都點咗蒜蓉豆豉蒸鰻魚，鰻魚肉非常之厚，魚皮彈牙，魚肉入口有油香，完全冇腥味，非常之好味。芋香鴨外皮炸得好酥脆，芋頭入口有少少甜味，加埋鴨肉嘅油香，真係令人食唔停口啊。農家擦粉呢個擦粉嘅份量都幾多，有唔少嘅材料，包括少量嘅海鮮，以及係部份嘅內臟，份量都夠晒兩個人食。蒜蓉蒸虎蝦虎蝦嘅蝦肉好彈牙，每一隻都唔算太細隻，加上落咗蒜蓉去蒸，令到成個味道都好惹味。冰心榴槤榴槤入口非常之香，外皮炸得好酥脆，連埋啲汁一齊食，真係好好味呀。整體嚟講，我覺得今餐嘅食物質素都唔錯，鰻魚嘅菜式都好有特色。