Espresso Alchemy

營業中

休息中

尖沙咀港威商場入面嘅Espresso Alchemy環境舒適，最重要係他們嘅咖啡同食物質素都很高，真係好值得推薦。脆炸魚堡配自家製蛋黃醬魚肉高質新鮮，炸得外脆內嫩，份量仲好大。配搭自家製蛋黃醬，同魚肉好夾，漢堡鬆軟有彈性。青醬雞肉忌廉長通粉最鐘意食長通粉，配上雞肉夠豐富，雞肉好嫩滑，青醬豐富惹味，加入忌廉很有層次，充滿香草味，長通粉煮得恰到好處，唔會過軟或者過硬，吸收咗雞肉同青醬嘅味道，十分惹味。伯爵茶朱古力有拉花，打卡一流，朱古力質感滑順同伯爵茶嘅清香好夾。伯爵茶香又出色，好味。藍莓核桃蛋糕，勁大舊，蛋糕嘅質感好鬆軟，滿滿嘅藍莓，好新鮮，核桃夠香脆，口感層次豐富。