影片
更多
2024-10-23
578 瀏覽
一入到去就俾佢嘅宮廷風裝潢吸引住，好似穿越咗去古代咁。店員仲會俾你著古裝影相，打卡一流！椰子藏雞湯鍋：湯底用椰子同嫩雞熬煮，送上嚟嘅時候，椰子香味撲鼻而來。店員仲會即場剪開鮮腐竹包住嘅雞件，再倒入椰子水，啖湯真係好清甜！手切本地牛頸脊(細)：油脂分佈均勻，口感嫩滑有咬口，牛味濃郁。滾得囍宮廷餃子拼盤：有五款唔同口味嘅餃子，包括和牛芝士餃、菜苗帶子餃、菲菜豬肉餃、馬蹄冬菇豬肉餃同芋泥豬肉餃。每款餃子都皮薄餡靚，特別係和牛芝士餃，芝士味濃郁，和牛肉質嫩滑，真係好味到爆！黃金雙拼：即係炸響鈴同炸魚皮，呢個小食真係好正！鹹蛋黃味道非常濃郁，仲要炸得好香脆，熱辣辣食最正！鹹蛋黃醬附喺炸魚皮同響鈴表面，呈流沙狀態，食到停唔到口！手打芝心牛丸：非常彈牙，咬開仲有芝士流出嚟，口感豐富，芝士味濃郁。滾得囍豐盛雜菜拼盤：有粟米、蕃茄、雲耳、蓮藕、菜心、娃娃菜、通菜同生菜，份量好多，爭啲食唔晒！竹蔗茅根：每次打邊爐都必點，清潤又解渴！！
一入到去就俾佢嘅宮廷風裝潢吸引住，好似穿越咗去古代咁。店員仲會俾你著古裝影相，打卡一流！
椰子藏雞湯鍋：
湯底用椰子同嫩雞熬煮，送上嚟嘅時候，椰子香味撲鼻而來。店員仲會即場剪開鮮腐竹包住嘅雞件，再倒入椰子水，啖湯真係好清甜！
手切本地牛頸脊(細)：
油脂分佈均勻，口感嫩滑有咬口，牛味濃郁。
滾得囍宮廷餃子拼盤：
有五款唔同口味嘅餃子，包括和牛芝士餃、菜苗帶子餃、菲菜豬肉餃、馬蹄冬菇豬肉餃同芋泥豬肉餃。每款餃子都皮薄餡靚，特別係和牛芝士餃，芝士味濃郁，和牛肉質嫩滑，真係好味到爆！
黃金雙拼：即係炸響鈴同炸魚皮，呢個小食真係好正！鹹蛋黃味道非常濃郁，仲要炸得好香脆，熱辣辣食最正！鹹蛋黃醬附喺炸魚皮同響鈴表面，呈流沙狀態，食到停唔到口！
手打芝心牛丸：
非常彈牙，咬開仲有芝士流出嚟，口感豐富，芝士味濃郁。
滾得囍豐盛雜菜拼盤：
有粟米、蕃茄、雲耳、蓮藕、菜心、娃娃菜、通菜同生菜，份量好多，爭啲食唔晒！
竹蔗茅根：
每次打邊爐都必點，清潤又解渴！！
張貼
