陳鵬鵬潮汕菜館

營業中

休息中

屋企人話要試吓呢間潮州菜，其實喺香港食呢類店真係⋯⋯唔多評論，始終屋企人想食就去試一次啦。餐前小食，塊餅唔算好甜有少少似卜餅嘅感覺。鵝肉嗌咗個例牌，滷水嘅味道層次唔算突出，但係冇咩肥膏係幾好嘅。最正係個鵝翼就真係少得可憐。蠔仔粥夠味道尚好，冇腥味。但係個蠔餅個底有少少似蚵仔煎，同傳統嘅潮州菜做法就好似有啲唔同。牛肉炒螺條，牛肉量少就預咗㗎啦～呢類店做開都係量少，所以一啲都唔意外。成晚最鍾意就係佢個雞，唯一最有鑊氣嘅餸，亦都係最好味最嫩最Juicy。但係後加嘅月亮蝦餅同埋蝦棗真係唔想多講，可以by pass。個牛肉炒飯，實際上似肉末炒飯，屋企比較年輕嘅家人完全唔夠食。而個酸菜肥腸還可以接受。嘢飲方面鴨屎香還好，但係油柑汁就偏甜。整體嚟講唔算好突出，但性價比不高。事次用展為自費。