影片
更多
2018-09-28
3541 瀏覽
都好幾個月沒有出食評了，因為近排都愛上自己煮食，咁今日就係一個好好朋友生日，我真係唸左好耐都唸唔到食咩呀，於是就將唸食咩e個艱難決定交左俾個廚師，即係廚師發辦啦！Omakase ，經朋友介紹及再三推介下，推介了菊月町，好啦，既然係食家推介，咁就試下啦！打電話去book位啦！好彩有打去book 位呀，去到之後原來爆晒場，餐廳唔係好多位，20個左右啦，而裝修都幾靚，好有氣氛，而我地就被安排左係bar位，可以睇下師傅煮野食，超正。咁我之後望完menu就選左個1100一位嘅廚師發辦啦！等左大約10分鐘左右，因為師傅都真係幾忙，第一道菜就係我最愛嘅生蠔啦，師傅會逐個介紹，首先就係法國蠔，之後就係澳洲蠔，兩隻蠔都係好鮮甜，啖啖肉，而我個人就比較喜歡法國蠔，真係好鮮甜，好有蠔味。食完蠔之後就到左口魚刺身啦，師傅另外安排左塊鹽板，然後就將刺身放係上面，我地就掃一掃之後食啦，真係唔同d, 鮮甜得黎加少少咸味，彌補魚唔夠味嘅不足，堅正。之後係深海池魚，師傅話係時令魚，唔係成日有，好厚切，食落去好有口感，而且魚肉非常彈牙。食完之後又到另外一款時令魚啦，金木鯛刺身，講真，平時刺身都係三文魚，吞拿魚果d，一時間
Omakase ，經朋友介紹及再三推介下，推介了菊月町，好啦，既然係食家推介，咁就試下啦！打電話去book位啦！
好彩有打去book 位呀，去到之後原來爆晒場，餐廳唔係好多位，20個左右啦，而裝修都幾靚，好有氣氛，而我地就被安排左係bar位，可以睇下師傅煮野食，超正。咁我之後望完menu就選左個1100一位嘅廚師發辦啦！
等左大約10分鐘左右，因為師傅都真係幾忙，第一道菜就係我最愛嘅生蠔啦，師傅會逐個介紹，首先就係法國蠔，之後就係澳洲蠔，兩隻蠔都係好鮮甜，啖啖肉，而我個人就比較喜歡法國蠔，真係好鮮甜，好有蠔味。
食完蠔之後就到左口魚刺身啦，師傅另外安排左塊鹽板，然後就將刺身放係上面，我地就掃一掃之後食啦，真係唔同d, 鮮甜得黎加少少咸味，彌補魚唔夠味嘅不足，堅正。
之後係深海池魚，師傅話係時令魚，唔係成日有，好厚切，食落去好有口感，而且魚肉非常彈牙。
食完之後又到另外一款時令魚啦，金木鯛刺身，講真，平時刺身都係三文魚，吞拿魚果d，一時間有咁多未聽過嘅魚食都真係幾興奮，金木鯛我覺得係較為有魚味呀！鮮甜就隻隻都鮮啦！
之後就到凹貝啦，e個感覺上就無咩特別，可能係成日食啦，不過都真係幾有口感，食落去好彈牙同好有鮮味。
之後就到生帶子啦，同平時食帶子壽司果d帶子感覺上係完全兩班咁樣，e個生帶子係超級新鮮，帶子味濃沃，超有帶子味，點少少芥辣真係一流。
之後就到中拖羅出場啦，師傅再放上一些金箔，貴氣十足，食落去好香魚油味，入口即溶，味道甘甜。
之後就係牡丹蝦加上魚子醬，魚子醬是海中其中一種令人趨之若鶩的珍品，味道甘純，而牡丹蝦味道甘甜，味道非常夾。
北海道海膽，非常鮮甜，同我去日本食果d即開海膽味道完全係一模一樣，令到我又想去日本了。
之後就係到鐵板燒菜式出場啦，首先說係金鯛魚，師傅就連皮一齊煎，佢話要一齊食，食落去就真係好有驚喜，d魚皮好脆身，魚鱗好爽口，第一次試到咁樣嘅口感，佢話係季節性，唔係成日有的，之後就係龍蝦同埋和牛出場啦，我唔記得影相，唔好意思，師傅煮嘅時間係剛剛好，牛肉絕對係值得一讚。鮑魚就非常新鲜同埋彈牙，我同我朋友都讚不絕口。
跟住就係玉子燒啦，係熱食呀，玉子燒係師傅自己整呀，食落去同出面食果d完全唔同感覺，好香蛋味，同埋我都真係好少係熱食，另有一番風味。
最後就係食壽司填飽個肚啦，不過其實之前食果d都已經好夠飽啦，壽司大約有5至6款，最令我印象深刻都係果款芽蔥壽司同埋竹甲魚壽司，芽蔥壽司好新鮮嘅感覺，竹甲魚壽司就係師傅好似幫女仔鬢辮咁樣整俾我地，最後食埋過日本哈密瓜就真係大完滿啦。
最後間餐廳俾我感覺係雖然地方唔係好大，坐係吧枱，但俾我感覺係服務非常親切，師傅每一道菜都會用心講解，同埋非常衛生，因為你會係睇住佢點整，價錢方面性格比非常之高，我個人覺得非常值，因為可以食到好多高級食材，有機會一定會再去。
張貼
