九十番地居酒屋

營業中

休息中

朋友約食飯，book 左喺呢間位於尖沙咀一間酒店一樓嘅日本餐廳，性價比超高，食物高質有水準，難怪都幾滿座。🌟蟹籽青瓜沙律🌟非常開胃嘅菜式，青瓜新鮮脆口，加埋滿瀉嘅蟹籽，口感清脆，逐粒都係口入邊爆開嘅感覺，嗰種口感同埋鮮味，正👍🌟深海池魚🌟厚切嘅刺身，肉質肥美，甘香嘅魚油細膩，入口質感爽脆，非常清香鮮甜。🌟蟹肉味噌帶子炒飯🌟非常足料，切粒嘅新鮮帶子份量都算多，加上每一啖飯都食到絲絲嘅蟹肉，飯炒得乾身又有陣陣嘅蛋香味，味噌嘅味道，配埋兩款海鮮製作嘅炒飯，夠晒香濃滋味，每一啖都非常回味🤤🤤🌟香味燒牛肉🌟兩個人食，諗住細細份嗌個迷你版鐵板燒，迷你鐵板上鋪滿晒牛肉，香噴噴熱辣辣，牛肉充滿肉味，仲有好香嘅洋蔥味，好食👍👍🌟串燒大蔥雞肉、雞翼、鮮冬菇🌟點左日本串必吃嘅雞肉，雞翼。非常有日式嘅風味，食得出原汁原味嘅料理，而我鐘意燒鮮冬菇那份簡單而清新的美味👍👍臨走嘅時候先見到有時日推介，wow 眼前一亮🤩🤩🤩下次再嚟試多幾款🤤🤤🤤