蟹仙海鮮蒸碢大公館

營業中

休息中

今次叫咗個刁鑽海鮮套餐。海鮮好鮮甜， 完全唔使點豉油。 服務好， 店員安排食物次序，幫我哋蒸埋，仲逐一講解海鮮來源。 蟹皇海蜇採用蟹膏淆成醬， 撈埋海蜇一齊食，口感豐富，味道層次高。 龍蝦、帶子、北極貝、海老剌身上。 瀨尿蝦肉質香甜， 黃膏肉蟹好鮮味。珍珠蠔，刀背蚌有一陣海水鮮味。店員安排用龍蝦頭煲粥， 仲幫我哋起肉， 成晚海鮮嘅精髓就集中起嗰鍋粥裏面，超正！成餐飯食得好滿足，食物份量啱啱好，飽但係唔滯。消費約$1,000一人（有叫酒），個人覺得性價比高。