車氏粵菜軒 (已結業)

有個好耐無見的朋友終於約到出來飲茶，好多茶樓都去過，所以今次揀咗間未食過的一齊去試下。我地一見到張點心紙就好開心，有好多好好味的點心，波蘿叉燒包，紅油抄手，薄罉等等。佢地的波蘿叉燒包同人地的唔同，佢個面係脆啲架，個顏色金黃啲，個啲叉燒好多汁，正體來講係外脆內軟非常之好味。薄罉係好特色的食品，唔係間間茶樓都有，我好多時都係食阿媽出品的。佢的薄罉係薄啲同脆啲，味道適中，係唔錯的選擇。紅油抄手就同其他地方的無分別，就只係個汁另上，咁大家就可以就自己的喜好都點汁啦，係呢樣比較貼心。人仲有佢地的馬拉糕，好香好軟，佢好有層次同好鬆軟，比出面的好食。可惜同朋友的相敍時間太短，唔夠時間食多啲唔同的點心，所以再有機會，一定會再encore。