去滾

營業中

休息中

餐廳大走復古懷舊風，加上播住我年少時嘅懷舊金曲，相當有韻味。Hoegaarden，打邊爐有生啤飲，找不到唔嗌的理由。原個椰子雞湯，雞肉份量不少，睇住侍應將原個椰青倒落去個煲度相當治癒，椰子雞煲滾起咗之後先不一碗湯飲下，除咗帶有香濃嘅雞味之外仲相當清甜。金甲脆魚皮，魚皮炸得相當脆身，每一塊都均勻咁包覆住爆香咗嘅鹹蛋黃，特別欣賞佢當中夾雜紅椒絲，更加惹味。頂級靚肥牛，肥牛雪花均勻，入口散發住令人滿意嘅牛味。蔬菜併盤，拼盤揀咗三款，分別係豆苗、皇帝菜同冰菜，第一次食冰菜，口感爽脆，充滿驚喜。安格斯牛柳粒，牛柳粒粒厚切，口感軟嫩。繽紛鮮果涼粉鍋，卒之嚟到呢個咁吸精嘅涼粉鍋，個鍋中間放咗乾冰，令到整個賣相如霧似幻，裏面嘅生果分別有西瓜、芒果同埋哈密瓜，圍邊嘅小碟係紅豆同埋椰絲，紅豆炆得極腍，味道微甜，加埋涼粉同埋花奶，非常好味。