翠林辣蟹舫

有朋自遠方來, 不亦樂乎☺️, 記起佢極喜歡食蟹， 於是乎就book左於位#尖沙咀 #翠林辣蟹坊 ,大家食下吹下水😉。餐牌上好多食物都做緊8折優惠, 簡直抵食啊👏🏻。黎到一定要拆下蟹，煮法就點左黑白胡椒蟹，蟹🦀️大隻很厚身，由於餐廳己經處理妥當，我哋很輕易便可以將佢剝殼，咬開便知佢很新鮮，鮮甜且肉質柔嫩多汁，個蟹鉗大隻到呢👏🏻。食到蟹嘅原汁原味之外，胡椒味亦都很特出，yummy 😋😋。蒜泥白肉都係老友喜愛食嘅前菜，有青瓜絲墊底，豬肉片切得厚薄適中，一啖有齊蒜香🧄跟麻醬味，味道特別清爽。炒雞片，輕炸過的雞肉調味得恰到好處，雞件很嫩滑，仲有一片片的炸薯片，很香不會過咸，好味👍。惹味飛天通菜煲🥘，喜愛食通菜，呢煲炒得翠綠色澤均勻，而菜又煮得好淋，而且份量都很多。大家都食到好飽飽，今晚盡興而返。