影片
更多
2018-03-17
319 瀏覽
1935朋友約咗去新餐廳，黎到中環，我記得曾經嚟過呢幢大廈都試過兩間食店。今次嚟到一間新嘅川菜，當電梯打開嘅時候真係比餐廳嘅環境吸引，餐廳走中高檔路線，裝修都好有特色，摩登與懷舊嘅crossover，可能由於餐廳新開張嘅關係，所以服務員都好熱情咁樣我哋介紹。原來餐廳叫做1935，完全係圍繞餐廳老闆1935年出生嘅婆婆，裝修參照上海火車站嘅售票處同埋車卡，餐牌入邊有一半川菜嘅菜式，而部份嘅菜式，亦係採用左婆婆的獨有秘方，由裝修以至餐牌，都源於對外婆的一點一滴思念，實在令人有一點動容。。店員特別同我地介紹餐廳亦都標榜健康嘅飲食，所有餸菜亦都不添加味精， 聽完侍應嘅介紹之後，更加對所有嘅菜式都充滿期待， 至於是否有加味精，就要品嚐整頓晚餐之後才能夠評估一下呢。///意想不到的cocktails估唔到嚟到呢一間川菜餐廳亦都有特色嘅coctails，不但賣相好精美，味道都好令人喜出望外。Danna Garze $95Fruit tea + Gin+elderflower +lemongrass+lemon我承認被這一杯名字吸引， 佢嘅名字非常別出心裁，代表一個美麗嘅女人。為了滿足能成為一個美麗女
朋友約咗去新餐廳，黎到中環，我記得曾經嚟過呢幢大廈都試過兩間食店。今次嚟到一間新嘅川菜，當電梯打開嘅時候真係比餐廳嘅環境吸引，餐廳走中高檔路線，裝修都好有特色，摩登與懷舊嘅crossover，可能由於餐廳新開張嘅關係，所以服務員都好熱情咁樣我哋介紹。
原來餐廳叫做1935，完全係圍繞餐廳老闆1935年出生嘅婆婆，裝修參照上海火車站嘅售票處同埋車卡，餐牌入邊有一半川菜嘅菜式，而部份嘅菜式，亦係採用左婆婆的獨有秘方，由裝修以至餐牌，都源於對外婆的一點一滴思念，實在令人有一點動容。
。
店員特別同我地介紹餐廳亦都標榜健康嘅飲食，所有餸菜亦都不添加味精， 聽完侍應嘅介紹之後，更加對所有嘅菜式都充滿期待， 至於是否有加味精，就要品嚐整頓晚餐之後才能夠評估一下呢。
/
/
/
意想不到的cocktails
估唔到嚟到呢一間川菜餐廳亦都有特色嘅coctails，不但賣相好精美，味道都好令人喜出望外。
喜出望外嘅cocktails
135 瀏覽
0 讚好
0 留言
Danna Garze $95
Fruit tea + Gin+elderflower +lemongrass+lemon
我承認被這一杯名字吸引， 佢嘅名字非常別出心裁，代表一個美麗嘅女人。為了滿足能成為一個美麗女人的慾望，當然要點選這一杯。
。
賣相帶有中國嘅色彩，味道都係我好喜愛嘅，沒有令人失望，好容易入口，尤其係特別鍾情香茅清新嘅味道，而整杯飲品配上香茅，一點都不突兀，已水果茶非常配合，加上一點檸檬汁，不但不會太酸，反而中和了Gin酒的味道。閉上眼喝一口，尤如置身泰國嘅Spa之中。
。
Carnation says $120
Gin+umeshu+Yuzu+sake+lime+ginger beer
對於女士來講，呢一款cocktails 都幾容易入口，用上不同嘅日本酒配搭，實在很新奇，單看餐牌，已經十分期待，淺嘗一口，發現味道出奇地好配合。Sake相對地比較易入口，可能加了青檸和柚子的關係，調和了兩款酒的味道，對於酒量很淺的我，味道也很容易接受呢。
。
另外，這杯飲品的賣相非常有心思，相信女孩子一定喜歡，尤其放在冰嘅康乃馨，特別吸睛，但看這杯飲品，已經非常治癒。別出心裁的放上一對花，為這杯特別飲品增添不少嘅美感。不得不讚bartender 的心思，在各種酒配搭上和飲品的賣相，也付出了不少心思。
Two headed spear
兩頭的子彈
係茅台加Irish whiskey 加一shot既果汁，所以成杯烈酒成份好高。上枱時會用火槍燒杯酒面，燒完散發清香既rosemary 同少許橙味。
飲完之前兩杯女仔酒，呢杯就好男人，雖然酒精成份高，但係好順口，愈飲愈好飲。推介。
華抄手
33 瀏覽
0 讚好
0 留言
華抄手$55
一想起四川菜，不得不提[紅油抄手]，不過這裏並沒有這個菜色，反而有[華炒手]，兩者的分別在於那香濃紅潤的汁料。
四川人稱雲吞為抄手，而紅油就是那麻辣酸甜鹹香的汁料。
服務員同我地介紹呢一款華炒手，有別於一般嘅紅油抄手，由於佢嘅醬汁比一般少，用上外婆特製配方，亦都沒有加上味精，食完都冇口渴嘅感覺，亦不會覺得油膩。
不過，如果你唔鍾意食太多醬汁嘅食物，係一個不錯嘅選擇。因為一般都被大量嘅辣椒油沈浸著，如醬汁較少，相對地較為健康。
一碟有六件，肉類嘅份量都幾多，如果係兩個人的話，每人三大件，食完已經覺得好飽啦。如果幾個人一齊share嘅話，每人淺嘗一件都不錯。
川椒香辣軟殼蟹＄225
由於軟殼蟹比較脆弱柔嫩，如果用水煮方式，會變得過於軟爛分離，一般嘅烹調方法，都會以煎炸為主，突出金黃酥脆的表皮才是王道。平常一般嘅日本料理都有軟殼蟹手卷或壽司，中式料理的避風塘炒蟹、酥炸椒鹽蟹偶爾也會看到軟殼蟹的版本，配上川椒麻辣嘅煮法，都算係一種新式嘅fusion 菜。
但看這賣相，火紅嘅辣椒伴着金黃嘅軟殼蟹，看得人頭皮發麻，這道菜式端上枱時香氣撲鼻，軟殼蟹被炸得外脆內軟，但如果粉漿再薄一點會更好，減去部份的油膩感。這個辣度，朋友嗜辣，故略嫌不夠麻辣。
黃金淮山葵
$105
91 瀏覽
0 讚好
0 留言
黃金淮山葵$105
淮山與秋葵，你比較喜愛哪一種？
這道菜式，個人大愛！😍秋葵淮山，都是我喜歡的食材。餐廳選用了新鮮嘅淮山，亦非常考廚師的功力，因為切開了的淮山很容易會變色，影響賣相，所以每道菜式也要準確掌握時間。英國廚師特別的挑選，每一條淮山都好爽脆。
.
秋葵就好似榴槤，並不能得到所有人嘅喜愛，有些人不喜歡滑潺潺的感覺。不過秋葵可以降血壓、幫助消化。烹調秋葵真的方便快捷，不過不能住得過時，否則表皮會變太軟，汁液也會滲出。
採用了兩樣與時間競賽的食材，廚師處理得非常好，每一條淮山同生葵都被咸蛋黃包圍着，非常香脆，秋葵苦味欠奉，經過油炸之後，也不會太過乾身，非常有水準。特別一讚這道菜食需時經過油炸，但是整體也不算太油膩，放進口中，雖然是被鹹蛋黃包裹着，至少心理上罪惡咁也不算太大。
川粵龍躉
$420
18 瀏覽
0 讚好
0 留言
川粵龍躉
$420
91 瀏覽
0 讚好
0 留言
川粵龍躉$420
呢個菜係水煮魚加酸菜嘅crossover,一般嘅水煮魚湯底係雞湯。首次品嚐魚湯加上酸菜，配搭比較特別。
另一方面，酸菜魚一般會選用桂花魚，但餐廳用上龍躉，龍躉屬於貴價食材，味道當然鮮甜美味，也令魚湯鮮味更加突出。魚湯都係每日新鮮熬製，整個湯底嘅魚味十分濃郁，冬天喝一口味道濃郁鮮甜又帶辣味的的龍躉魚湯，立即感到暖和。
中國白酒雪糕
$55
18 瀏覽
0 讚好
0 留言
甜品:
花雕話梅雪糕
中國大曲白酒辣朱古力雪糕$55@
花雕話梅初食一般，之後愈食愈好味，白酒朱古力入口酒味好重，雪糕裏面加上切得細碎的辣椒籽，頭一兩口辣味不算太突出，其後大口大口的吃，辣味便慢慢滲出，越吃越辣。
這個甜品實在太新奇，不禁懷疑雪糕是否自家製。原來餐廳特別與雪糕製造商，研製出這款獨家口味的雪糕，也不會銷售到其他餐廳呢。
鮮果四川冰粉
$80
57 瀏覽
1 讚好
0 留言
鮮果四川冰粉
$80
132 瀏覽
0 讚好
0 留言
鮮果四川冰粉$80
記得曾經食過四川嘅冰粉，一般配上花生與黑糖，但今次新穎嘅配搭就未試過。特別一提餐廳嘅甜品，都是出自Bar manager 的。
因為男孩子製作甜品，已經值得加分。
首先把士多啤梨雕成一朵玫瑰花，襯冰粉仲暖就放進玫瑰花然後冷藏，令冰粉凝固，最特別配上已香茅特製的糖漿，出奇地非常配合，真的十分驚喜，味道清新。糖漿配上香茅的味道，除咗味道清新之外，減去糖漿嘅甜味，令人難忘，有如置身泰國的感覺。整個甜品賣相與味道俱佳！
這一頓飯，與朋友詳談數小時，又黃昏聊至幕低垂，吃得非常愉快，美味的食物，醉人嘅夜景，殷勤嘅服務，是本月最滿意的一餐。
張貼
