隨心 (已搬遷) 新店位置

好少去鰂魚涌呢邊，原來呢度都有好多野食，今晚就想食番個星馬菜先。講起馬來西亞就一定會諗到佢呢個肉骨茶架啦，呢個肉骨茶$98，份量都有番咁上下大架睇落去都相當足料，而且未飲已經聞到好香啦「不」起d料見到d骨大大條，仲有好多藥材，有玉竹、紅棗、杞子…未飲之前先用油炸鬼浸落個湯度試下個味先，好正，緊接住飲番啖，飲到藥材既甘味，飲完有回甘，藥材味夠哂濃，同時間飲到豬骨帶出既甜味，配番碗白飯就岩哂。豬骨煮到好稔，食到肉既鮮甜，雖然有豬骨但個湯底都唔會話油架，店員話呢個肉骨茶好岩女人飲添呀！星馬菜當然唔少得喇沙啦，呢個係海鮮喇沙呢個海鮮喇沙都相當足料，有兩隻鮮蝦、蛋、帶子、魚片、蟹柳、豆卜…喇沙最緊要係咩？揀係個湯底，呢個喇沙都飲到個湯夠香，有淡淡椰香味，飲到蝦味，仲有微微既辣椒辣，唔錯，不過可以再濃d！個麵係「參參」，姐係將唔同既麵撈埋一齊，呢個喇沙係米粉加瀨粉，可以食到兩種口感，幾得意，幾match個湯，見到麵既顏色已經同湯底融為一體，入哂湯底鮮甜味。食埋個吸哂湯汁既豆卜真係無得頂。