NAM NAM VIETNAMESE CUISINE

營業中

休息中

餐廳位於AIRSIDE，顧名思義主打多款正宗越南菜式，由前菜、小食、主食到飲品一應俱全。店內廚師全部來自越南，聽聞連門外副畫都係請學生登門拜訪一筆一畫畫出嚟！前菜有青木瓜柚子蝦沙律，菜品新鮮，冰冰涼涼，醬汁調味適中，酸酸may may，開胃又健康。私心推介香葉肉碎生菜包，可以按個人喜好選擇辣度、鹹度同油度，肉碎入味，包埋生菜超級夾，可大大降低整體油膩感。咖哩牛肋條配法包同樣出色，肉質嫩滑，仲有薯仔，法包散發著淡淡麵包香氣，點埋咖喱好出色。燒豬頸肉撈檬份量適中，豬頸肉滑嘟嘟，麵條掛汁、銀芽豆卜雲耳炒金邊粉都唔錯，炒至乾身且唔油，整體性價比高。