食意 (已結業)

和朋友在深水埗行完街經過見到呢間Eatalian門口lunch set嘅餐單好吸引，午市仲有九折優惠，附送甜品及免收加一服務費，就決定喺度食lunch。餐廳裝修簡潔别緻，感覺自然舒服。午餐有前菜、主菜、餐飲及會附送甜品，正適合我哋本身想慢歎一個lunch。落單後侍應先送上餐包，餐包口感煙韌，表面烤得帶點脆身，配上富果味的黑醋，味道不錯。凱撒沙律 - 沙律菜新鮮爽脆，芝士味道咸香，麵包粒香脆，配上甜甜酸酸的凱撒醬，清新醒胃。是日餐湯 - 番茄湯的番茄味又鮮又濃，口感幼滑有質感，再加上烤得香脆的麵包，酸酸甜甜好開胃。羊奶芝士辣海鮮茄醬寬條麵 ($88) - 鮮茄味豐富又略帶微辣，羊奶芝士令鮮茄醬的味道更有層次及更掛麵。寬條麵的口感既彈牙又略帶嚼勁，麵條掛滿鮮茄醬配上鮮蝦、青口、蜆肉等海鮮，滋味好食。慢煮春鷄配蘑菇燒汁 ($118) - 鷄皮香脆，十分入味香口，慢煮保持鷄肉的肉汁及肉的口感，配上味道香濃的蘑菇燒汁，又是另一個不錯的選擇。附送的甜品 - 朱古力味香濃，甜度適中，味美好食。Mocha (+$10) - 泡沫豐富，香濃幼滑。花茶 ($12) - 洋甘菊花茶，色澤金黄，味道清新芳香。