Lobster Une (已搬遷) 新店位置

第一次到西貢吃西餐，試吓新餐廳，店員親切友善，主動介紹食物。蘑菇湯香滑帶胡椒辣香，香草大蜆，好新鮮又大隻，下次應該點個法包點埋個汁，好正。龍蝦西班牙燴飯，龍蝦已起肉，啖啖肉，飯軟硬適中。等候慢煮西冷牛扒期間，主動送上花生小吃，細心溫暖。牛扒入口即溶，味道香濃，配菜也見心思，下次要試埋西班牙豬鞍😋兩杯Mocktail又靚又好味，酸酸甜甜。經OpenRice 訂枱還送甜品拼盤，羌糖真係無介紹錯舒服又滿足的一餐。