影片
更多
2023-10-09
89 瀏覽
估唔到牧羊少年已經開到第九間分店，一直都覺得呢間Cafe好有文藝氣息，以前有去過銅鑼灣分店，可以一邊嘆咖啡一邊借書睇，環境好舒服。而家居然係全港最有藝術氣息嘅地方- 香港文化中心開分店，更添幾分文學修養。上網睇過餐廳嘅圖片已經覺得好吸引，來到現場之後更加覺得自己冇揀錯地方。餐廳環境好寬敞，落地玻璃望到維港景色，如果日頭過嚟，陽光打入餐廳應該會仲更加靚。同其他分店一樣，有一個閱讀區，可以俾人哋一邊睇書一邊食野。明太子康提芝士蟹肉墨西哥夾餅Taco 餅皮係炸粟米片而成，好似薯片咁，非常香脆，一份有四件Taco，一上枱已經見到餡料鋪滿芝士碎，餡料有蟹肉、鮮蝦、明太子、牛油果醬，超級豐富，一啖咬落去食到明太子嘅咸香、鮮蝦同蟹肉既鮮味同埋牛油果醬嘅甜味，每個配菜都覺得夾得天衣無縫，無得彈。避風塘炸單骨雞翼雞翼揉合香蒜、黑胡椒及辣椒等重口味香料製成，神級還原避風塘風味❤️食得辣嘅人可以揀呢個味，非常香口👍🏻慢烤蕃茄大蝦辣椒伏特加扁意粉起初見到伏特加以為會好重酒味，其實蕃茄味會比較重，大蝦有煎香過，口感彈牙，有鮮味，絕對唔係急凍蝦肉。扁意粉口感彈牙，每條意粉都掛滿蕃茄汁，加上辣辣地嘅味道，好開胃。慢燒
上網睇過餐廳嘅圖片已經覺得好吸引，來到現場之後更加覺得自己冇揀錯地方。餐廳環境好寬敞，落地玻璃望到維港景色，如果日頭過嚟，陽光打入餐廳應該會仲更加靚。同其他分店一樣，有一個閱讀區，可以俾人哋一邊睇書一邊食野。
明太子康提芝士蟹肉墨西哥夾餅
Taco 餅皮係炸粟米片而成，好似薯片咁，非常香脆，一份有四件Taco，一上枱已經見到餡料鋪滿芝士碎，餡料有蟹肉、鮮蝦、明太子、牛油果醬，超級豐富，一啖咬落去食到明太子嘅咸香、鮮蝦同蟹肉既鮮味同埋牛油果醬嘅甜味，每個配菜都覺得夾得天衣無縫，無得彈。
避風塘炸單骨雞翼
雞翼揉合香蒜、黑胡椒及辣椒等重口味香料製成，神級還原避風塘風味❤️食得辣嘅人可以揀呢個味，非常香口👍🏻
慢烤蕃茄大蝦辣椒伏特加扁意粉
起初見到伏特加以為會好重酒味，其實蕃茄味會比較重，大蝦有煎香過，口感彈牙，有鮮味，絕對唔係急凍蝦肉。扁意粉口感彈牙，每條意粉都掛滿蕃茄汁，加上辣辣地嘅味道，好開胃。
慢燒威士忌保濕三黃雞配燒新薯及西蘭花苗
又係一道揉合左酒既餸菜，半隻慢燒既三黃雞，外皮燒到好香脆，一切流晒啲雞油出嚟，慢煮過後嘅雞肉好嫩滑，勁多肉汁，仲食到少少威士忌酒味，好正。 伴碟既燒新薯都唔錯，皮好薄，薯味重👍🏻
烤蘋果批配雲尼拿雪糕
餅底有陣陣牛油味，口感香脆，蘋果切到一片片鋪係餅底上面，烤過之後仲保留到蘋果肉汁，咬落去仲好香，一啲都唔酸。雪糕係雲呢拿口味，入口順滑，一凍一熱有冰火二重奏嘅感覺。
張貼
