金鶴拉麵 (閩街)

營業中

休息中

認真講，我係香港冇食過比呢間更好食既鰻魚飯！呢間野認第二真心冇另一間可以第一，同我係名古屋食過既鰻魚飯絕對有得比！鍾意食鰻魚飯既人我個人覺得必食呢間。佢呢度既鰻魚飯點解咁好味呢，首先，佢係即叫即燒既，佢用一個爐特登去燒鰻魚，同我地平時普通餐廳食果d已經高出唔止一個檔次。所以去食果時記得早d叫鰻魚飯，因為製作需時。佢呢度d鰻魚係特別靚既，d油脂比例根本係人間極品，咬落去係滿滿既幸福感覺。秘制鰻魚汁加上超肥美既鰻魚，根本冇得輸。另外我會推介既小食係明太子雞翼，佢真係塞滿哂明太子同埋整得非常好味又足料。