太平館餐廳

營業中

休息中

被巨大梳乎厘吸引進來！香港有這類的中式梳乎厘愈來愈少了。一進店感覺懷舊得嚟有種高級格調，環境舒適，位與位之間算是闊落，坐得舒服。海龍皇湯，幾香海鮮味，但略嫌有點鹹。瑞士雞翼煮得唔算入味，但勝在雞肉嫩滑，個汁仲可以點其他配菜食。炒雜菜味道正常。乾炒牛河，普通茶餐廳味道，唔夠鑊氣。乳鴿，皮脆肉嫩，有陣煙燻味。牛脷，雖然賣相一般，但口感和味道都非常好，厚身口感軟熟，味道香和牛味重。法國蝸牛焗豬扒意粉，味道ok，但冇咩蝸牛味，豬扒幾厚身，味道唔錯，不過不失。梳乎厘，差唔多每枱都必點，一來到就好香雞蛋味，表皮有啲香焦味，裏面非常軟綿，但略嫌太甜。雪糕正常維記味道。