影片
更多
2016-01-26
2635 瀏覽
天氣凍最好打邊爐，其實係香港人常用嘅藉口，火鍋店四季無休，已成為香港飲食界嘅常態。做生意日新月異，寧為雞口莫為牛後，要突圍而出，除咗好食實惠，仲要有噱頭。多謝TVB,夜消磨一介紹，即時惹起熱潮，一位難求，連訂位熱線都長期打唔入經過一番努力，皇天不負為食鬼，打N次後終於BOOK到枱。 餐廳位於商業大厦，地方有限加上其門如市，難怪咁難訂枱。一出𨋢只見堆滿等入座嘅客人，入到餐廳,不得了呀，點解會有個街市海鮮檔同牛肉檔喺度嘅？原來餐廳將其中一部份裝修成街市咁款，仲特登用紅色大燈罩做裝飾，想食新鮮就可以出嚟一份份叫。手切本地肥牛就係喺肉枱，即叫即切，真係好似行街市。 牆身寫滿九龍皇帝曾灶財嘅書法，呢啲係香港獨一無二嘅文化遺產，又貼咗好多上世紀街招同電影海報，玩味十足，亦好親切。 原隻豬肚胡椒雞湯$288湯底，係火鍋嘅靈魂，亦係令呢度晚晚爆場嘅秘密。呢個湯底用豬肚包住成隻雞嚟煲，上枱時成個波咁，侍應會幫手剪碎豬肚同拆開雞肉。雞肉已經煮到腍晒，輕輕力就分開到。先呷一口湯，充滿胡椒香同雞味，夠辣夠濃，成身都覺得暖♨️豬肚煮得夠時間，腍軟易食。雞肉受豬肚保護，肉質依然嫩滑，連胡椒
天氣凍最好打邊爐，其實係香港人常用嘅藉口，火鍋店四季無休，已成為香港飲食界嘅常態。做生意日新月異，寧為雞口莫為牛後，要突圍而出，除咗好食實惠，仲要有噱頭。
多謝TVB,夜消磨一介紹，即時惹起熱潮，一位難求，連訂位熱線都長期打唔入經過一番努力，皇天不負為食鬼，打N次後終於BOOK到枱。
餐廳位於商業大厦，地方有限加上其門如市，難怪咁難訂枱。一出𨋢只見堆滿等入座嘅客人，入到餐廳,不得了呀，點解會有個街市海鮮檔同牛肉檔喺度嘅？原來餐廳將其中一部份裝修成街市咁款，仲特登用紅色大燈罩做裝飾，想食新鮮就可以出嚟一份份叫。手切本地肥牛就係喺肉枱，即叫即切，真係好似行街市。
牆身寫滿九龍皇帝曾灶財嘅書法，呢啲係香港獨一無二嘅文化遺產，又貼咗好多上世紀街招同電影海報，玩味十足，亦好親切。
原隻豬肚胡椒雞湯
$288
109 瀏覽
0 讚好
0 留言
原隻豬肚胡椒雞湯$288
湯底，係火鍋嘅靈魂，亦係令呢度晚晚爆場嘅秘密。呢個湯底用豬肚包住成隻雞嚟煲，上枱時成個波咁，侍應會幫手剪碎豬肚同拆開雞肉。雞肉已經煮到腍晒，輕輕力就分開到。先呷一口湯，充滿胡椒香同雞味，夠辣夠濃，成身都覺得暖♨️豬肚煮得夠時間，腍軟易食。雞肉受豬肚保護，肉質依然嫩滑，連胡椒湯飲，正呀！加上湯底而經有成隻雞同豬肚食，已經抵過出面啲火鍋店，唔會百幾二百蚊只係得個湯。
濃厚原隻雞煲花膠湯(大)
$328
137 瀏覽
1 讚好
0 留言
濃厚原隻雞煲花膠湯(大)$328
又係令人尖叫嘅湯底。雞湯底，加原隻雞配大量花膠而成。明顯花膠係後加，但發得爽口，吸收完雞湯後更滋味，要湯底好味，除咗足料，最緊要夠火候，呢啖湯就飲得出熬得夠時間。不過顧得頭唔顧得髻，唔似豬肚雞咁有嘢保護，雞肉比較嚡口，但整體上都係比其他火鍋店嘅湯底出色，而且都係嗰嗰句，有湯飲有雞食，確係比淨係湯底實惠啲。
飲完碗湯暖咗肚，開始打邊爐。加湯時侍應都係加番雞湯比我哋，咁就唔怕比清水溝淡晒個湯底啦。
霸王卸甲火焰雞煲蟹粉鍋
$398
207 瀏覽
4 讚好
0 留言
霸王卸甲火焰雞煲蟹粉鍋
$398
201 瀏覽
1 讚好
0 留言
霸王卸甲火焰雞煲蟹粉鍋
$398
197 瀏覽
0 讚好
0 留言
霸王卸甲火焰雞煲蟹粉鍋$398
相信係全港獨一無二又係全場最矜貴又最邪惡又最能呃LIKE嘅湯底。有咩咁架勢？用一隻藥材醉雞，一隻花蟹加一堆花蛤，用淋花水壺將玫瑰露噴一轉，之後表演火焰鍋，埋尾加花雕同雞湯底，而且喺鍋中間坐熱半斤蟹粉用嚟點生料一齊食，呢個價錢真係UNBELIEVABLE!啖湯本身已經補到不得了，加埋酒香同海鮮甜味，淨飲湯都回味無窮呀
手切本地新鮮牛肉
$268
222 瀏覽
1 讚好
0 留言
手切本地新鮮牛肉$268
真係睇住師傅即叫即切，新鮮牛肉色澤油亮，較熟，唔會好似啲急凍貨咁又硬又乾。淖到僅僅熟，入口鬆化鮮甜，貴過美國貨真係有原因。
花竹蝦
$55
127 瀏覽
0 讚好
0 留言
游水花竹蝦$55/隻-$40/兩
花竹蝦全部生生猛猛，隻隻都長過手掌！肉質非常彈牙，蝦有蝦味，用湯底淥完仲保留到鮮味，點少少豉油已經係人間美味
鮮鮑魚仔
$38
97 瀏覽
0 讚好
0 留言
鮮鮑魚仔$38/隻
師傅好細心幫我哋除清鮑魚肉臟同埋打花，令鮑魚更快熟同易食啲。由於新鮮就是美，鮮甜鮑魚撈埋蟹粉一齊食，膽固醇同鮮味同時超晒標啊
花膠鮮蝦丸(半打)$88(掛住食無影相😅)
又係即叫即整。師傅將發好嘅花膠略為切細啲，再用新鮮蝦膠唧成乒乓波大小，食落堅彈牙，無雪味，花膠爽蝦膠爽，第度食唔到，食完亦都返唔到轉頭。😋
其他火鍋料乾淨俐落，尤其粟米極甜，腐竹豆味天然，更係驚喜之選。
近年興集體回憶，呢度裝修個場唔係大，但反而十分熱鬧，令我重拾上世紀香港光輝歲月嘅感覺，
除咗嘆美食，仲令香港人食到失落咗嘅香港情懷。
張貼
