火水爐花膠館 (已結業)

第一個爆分食評🥳我自己都好興奮 哈😆誤打誤撞揾到呢間必試 超出色火鍋店🍲❣️員工非常友善☺️裝修設計帶有一種70年代懷舊風味📽坐位非常闊落 兩個人食都有一張大圓枱 ▫️火鍋任食有三個價位揀 我哋揀咗最平每位$228〰️▫️湯底：特濃花生沙嗲花膠鍋🥜超級 超級 超級正既湯底❤️‍🔥平日打邊爐多數都嗌麻辣🌶但見佢有推介呢款湯底就試一試 哇 真係無誇張 花生沙嗲味🥜好濃。好香😍！重點 佢真係有啲花生碎係入面！豆卜索曬啲湯真係令人尖叫🥰！另外 佢花膠係超大塊 仲要比咗兩塊咁多 crazyyy❣️雖然佢有比醬油我哋自由調配 但佢湯底太出色 根本唔需要再點醬🤣❣️▫️食物：餐前小食係一啲涼拌 炸魚蛋燒賣等 我都覺得好好味 涼拌味道好夠😋睇返單先發現我哋兩個人嗌咗20樣野😳佢既食物款式真係多架 響鈴都要有紫菜響鈴 鵝腸 豬紅 豬皮 雲吞 魚皮餃 真係不能盡錄😚〰️肉類方面 都好出色 好嫩 啲色都好靚 呢個價位真係性價比極高🥰❣️