滾得棧

營業中

休息中

幫襯過滾得棧好多次，但上一次已經係一年前，呢日專登帶朋友黎試下。今次揀咗秘製沙嗲湯底。比外面食嘅沙嗲湯底濃郁，好香嘅麻醬味，但冇咁油。手切牛頸脊每次來都必定會點！牛肉嘅油花分布得非常平均，由於手切唔會切得太薄，咬落去好有質感，有牛味，好好食！自製四寶丸，幾彈牙，味道不算突出。3秒腐皮 好新鮮好脆，每次來都必點！魚皮餃都係一般貨色啦，好難唔好食。花甲原來已經預先整熟咗！雖然肉比較細粒，但一啲沙都無，好鮮。凍豆腐，口感好特別，好似食緊海綿咁。脆鯇片麻麻，食到有骨嘅。黃油雞腸，口感唔錯總括來講，食物嘅水準都keep到，係一間令人一再回頭嘅火鍋店，。