影片
更多
2024-02-14
144 瀏覽
Cafe坐落喺旺角東地鐵站出口，裝修行文藝文青風格，店內有唔少搞怪嘅藝術畫作，有分室內同室外位置，主人們仲可以帶埋寵物🐶一齊嚟！小店嘢食款式都多而且幾吸引，有沙律、brunch、意粉、小食呢啲，輕食同主食都有，午餐或者晚餐時段仲會跟送多一款指定飲品，性價比超高，唔怪得晚市時段都咁full！-——————————————🥗◖無花果合桃石榴果黑醋沙律◗ $80沙律菜加上無花果同石榴，食落去甜甜地，配上鹹鹹地嘅羊奶芝士同爽脆嘅合桃，食落一啲都唔覺寡，但略嫌佢黑醋落得重手咗，超酸🤣！🥯◖全日早餐升級版◗ $120呢個全日早餐有超多配料，有腸仔、煙肉、煙三文魚、炒蛋、炸薯角、牛油果蓉、車厘茄，再配上烘到卜卜脆嘅bagel，可以隨心加上配料夾住一齊食，最鍾意佢入面嘅炒蛋同肥嘟嘟嘅脆皮黑椒腸，呢個餐真係超豐富超滿足！🤩🥠◖迷迭香蕃茄醬菠菜芝士意大利雲吞◗ $89意大利雲吞細細粒，裏面包住菠菜芝士，配上蕃茄醬去燴煮，減輕咗整體嘅膩感，比較少Cafe可以試到！👍🍮◖忌廉芝士焦糖餅乾布甸◗ $55本身就係衝着佢嘅布甸而嚟，布甸動L動L，回彈力十足！加入咗忌廉芝士🧀，所以布甸整體嘅口感比較creamy，同時
-——————————————
🥗◖無花果合桃石榴果黑醋沙律◗ $80
沙律菜加上無花果同石榴，食落去甜甜地，配上鹹鹹地嘅羊奶芝士同爽脆嘅合桃，食落一啲都唔覺寡，但略嫌佢黑醋落得重手咗，超酸🤣！
🥯◖全日早餐升級版◗ $120
呢個全日早餐有超多配料，有腸仔、煙肉、煙三文魚、炒蛋、炸薯角、牛油果蓉、車厘茄，再配上烘到卜卜脆嘅bagel，可以隨心加上配料夾住一齊食，最鍾意佢入面嘅炒蛋同肥嘟嘟嘅脆皮黑椒腸，呢個餐真係超豐富超滿足！🤩
🥠◖迷迭香蕃茄醬菠菜芝士意大利雲吞◗ $89
意大利雲吞細細粒，裏面包住菠菜芝士，配上蕃茄醬去燴煮，減輕咗整體嘅膩感，比較少Cafe可以試到！👍
🍮◖忌廉芝士焦糖餅乾布甸◗ $55
本身就係衝着佢嘅布甸而嚟，布甸動L動L，回彈力十足！加入咗忌廉芝士🧀，所以布甸整體嘅口感比較creamy，同時又帶有濃郁嘅焦糖雞蛋味，再配上面頭嘅脆皮焦糖，好食！
☕️◖開心果鮮奶◗ $45
竟然有開心果鮮奶，上枱佢嘅淡綠色有啲奇怪🤣，但一飲落開心果味超濃郁，唔會太甜，啱晒開心果控！
🍍◖菠蘿汁咖啡◗ $45
呢個係新推出嘅產品，用上比較fruity嘅咖啡豆，加入菠蘿汁，賣相更吸引，味道有啲似Espresso Tonic，多咗一重菠蘿果香～
🌟Encore指數：9/10
張貼
