紅磡冰室 (已結業)

今日到紅磡聽完講座，不經不覺已接近下午茶時間，有點肚餓 ，見到附近有間叫做紅磡冰室，裝修富大自然農村氣息，感覺比起一般冰室清新。所以不其然走到門前研究一下餐牌 ，看看有甚麼選擇。裡面裝修主要用咗木同埋綠色植物，雖然啲植物唔係真嘅，但係睇落去都覺得好舒服，而且覺得地方乾淨。叫咗兩款茶餐，星洲炒米同芝士海鮮烏冬，價錢好抵。令人意想不到嘅係，芝士海鮮烏冬啲蝦好大隻，仲要有六隻咁多！芝士味濃厚！星洲炒米都炒得好好，乾爽唔油膩，上枱前仲灑咗啲芝麻，整體味道幾好，如果炒得香啲同埋有少少辣味就會更加吸引 。冰室伙記服務態度唔錯，而且分店眾多，下次有機會喺其他區遇到又可以再試。