紅磡冰室 (已結業)

這一天，一家大細因為黃埔花園有一個吸引小朋友的活動而於放工的時間來到。當我們到達了黃埔港鐵站，一出閘就感覺到肚子餓了。當時心想，黃埔內的食肆群，又不經濟實惠，又隨時好多人，於是，我們一出站就過對面馬路，往紅磡的舊街區尋食。一家四口連工人，要打經濟牌啊，最後我們選了地方有叔咁上下舒適的茶餐廳，一間位於紅磡的《紅磡冰室》分店。大家坐好位，未點餐已來了餐湯。幸好只是先來了兩碗，因為太太茹素不飲，工人姐姐來自印尼，湯有豬肉成份亦不會飲。再者，阿仔唔肯飲，阿女只陪我飲了幾啖又唁飲，結果就是我一人飲了兩碗湯。這絕對是一個由朝煲到晚的老火湯，一飲入口，就是濃濃的豬肉精華味道。老火的無味精湯，永遠都是好，可是，當日的湯咸了少少。食物了，當日阿仔沒有飯癮，就要了一份公司三文治給他。一層是蕃茄加蛋，一層是餐肉加蛋，份量上非常之豐富。工人姐姐點了一份豉椒鮮魷炒麵，炸麵底不會不可口，店廚子落得重豆豉也是一個大家都看得出的美味感覺。魷魚鮮美煙韌也是令人感開心。要求餐廳 off menu 做了一個羅漢齋炒麵。雖同樣是炸麵餅，但這個以枝竹同白菜仔為主的羅漢齋連汁，已經頓時令個麵變腍。 \ 京都骨飯是我當晚的選擇

價錢很合理，早餐選擇多種類，榨菜肉絲麵非常好食，食物有水準，每次去吃早餐都有很多人排隊，員工尚算有禮貌，黃埔地鐵站出口，非常好找，很少去吃晚飯，一定要搵日去試吓😋

今日到紅磡聽完講座，不經不覺已接近下午茶時間，有點肚餓 ，見到附近有間叫做紅磡冰室，裝修富大自然農村氣息，感覺比起一般冰室清新。所以不其然走到門前研究一下餐牌 ，看看有甚麼選擇。裡面裝修主要用咗木同埋綠色植物，雖然啲植物唔係真嘅，但係睇落去都覺得好舒服，而且覺得地方乾淨。叫咗兩款茶餐，星洲炒米同芝士海鮮烏冬，價錢好抵。令人意想不到嘅係，芝士海鮮烏冬啲蝦好大隻，仲要有六隻咁多！芝士味濃厚！星洲炒米都炒得好好，乾爽唔油膩，上枱前仲灑咗啲芝麻，整體味道幾好，如果炒得香啲同埋有少少辣味就會更加吸引 。冰室伙記服務態度唔錯，而且分店眾多，下次有機會喺其他區遇到又可以再試。

今年2-3月都有時放lunch去食，多數都選擇蒸餸因爲入味，咁過左幾個月，諗住叫返個lunch set冇死啦，但前幾日去食，難食不單止，仲要服務勁差，逼人答檯，我見好似轉左廚師，同之前質素系無得比，希望管理層睇到，之前個廚師好好多。

今日約了朋友到紅磡冰室，因為到的時間比較尷尬約17:57，一入內店員問我常餐定晚餐？我即時影張menu，朋友亦即時回覆。到我舉手落單時，17:59，就話已經cut咗。如果唔係供應到18:00，咁就唔好寫去到18:00啦。

今日又lunch又喺紅磡食基本上諗唔到食乜，又想穩陣啲，就去紅磡冰室！都係例牌常餐特冇得輸，今次再食常A, 炒蛋多士依然可靠，色香味十足，可惜個茄牛通一泥，我就，得一塊牛肉？諗緊可能個碗底有呢。。。點知。。。冇！真係得嗰一塊？！雖然我知廚司都係煮一大鍋，好難碟碟分量比例都一樣，但作為食客真係會好失望！今次真係太失望😞

其實呢間冰室午餐係大大碟又好食，但我次次都會忍唔住叫左常餐特餐，點解呢？！之唔係因爲個炒蛋多士咯！個炒蛋比出面嘅特別黃特別香特別多！多士就比蒜蓉多士多一塊，共兩塊！個沙爹牛通就唔係話有花生勁濃嗰種，但唔緊要，因為我就係唔鐘意有花生粒有杰撻撻嗰種。。。而且佢唔係比兩塊牛肉就算嗰種無良餐廳！檸檬茶都好有紅茶香又夠檸檬！不過好食就係多人，永遠都係要搭枱！不過紅磡冰室出名係好食又抵食，性價比高自然多人食啦

唔講都仲好啲，一講就成杯都係冰，直頭到底👏👏👏服務員態度極之良好，五個字可以形容晒，十問九唔應。至於價錢就真係最抵食，五十至六十一個午餐。加埋杯凍冰，真係堅抵呀！午餐之選一定係紅磡冰廳，因為排半個鐘到就有位，岩晒上班一族

嚟親紅磡冰室只會食一樣嘢，就係「瑞士雞翼撈公仔麵」，呢樣真係好出色，其他嘢食過一次唔會再想食第二次，但呢樣真係成日心思思想食！坐低menu都唔使睇，直接同阿姐講「唔該要個常餐B，瑞士雞翼撈公炒蛋蒜蓉包吖！」就OK😂😂😂炒蛋嘅份量唔算多，可以叫係少，不過尚算幾滑嘅！蒜蓉包幾香脆！其實瑞士雞翼真係唔算難整，但唔知點解出面其他地方食或者就算自己整都冇呢到咁好食，有秘制汁料果然係好重要！一份有三隻雞翼，隻隻都大隻厚肉！又夠入味！

我食呢間紅磡冰室真係喺紅磡㗎。🤣未食之前以為佢係一間普通茶記，雖然佢的確係，但係佢有個餐真係超級好食，真係會想成日返嚟食，所以門口成日有條隊，但通常好快就有位。無論豬扒定係雞翼撈公仔麵都好好食，公仔麵比較彈牙，味道就甜甜地。豬扒就成隻碟咁大塊；雞翼就有三大隻。👍🏻👍🏻淨係食個麵都已經飽啊。跟餐會有多士或者蒜蓉包，佢個蒜蓉包淨係睇相都已經覺得超吸引，其實都係多士但兩邊(係兩邊，無揸流灘)搽咗好多蒜蓉牛油，勁香勁脆口，而包入面又夠淋，連我呢個平日最憎食餐包嘅人都覺得真係好好食！至於炒蛋都好香牛油味。個餐好似近$50，而家到到都要呢個價啦，但食完真係好飽好飽好滿足。🥰除咗呢個餐之外，佢呢度出名嘅就係所有嘢食都非常大碟，我同屋企人叫咗兩個撈公仔麵餐，加一個鹹魚雞粒炒飯。上枱真係見到係滿晒，成座山咁，個碟亦都好大。個味都唔錯，炒得夠乾身，而且仲有唔少料添😋。我見其他枱有人叫午餐，係一碟餸一碟飯，打工仔一定夠飽唔會餓親。🤣👍🏻👍🏻

包控星期日🥰🥰🥰下午茶餓到失去理智系列，加上👦🏻第一次想食菠蘿包🤤「夏威夷菠蘿🍍豬扒包」$34，下午茶☕️————👉🏻一上枱吸晴到「對面個阿伯都看過來」😂😂😂好厚同高！原來入面有豬扒之餘，重有成塊菠蘿🍍⋯⋯👏🏻👏🏻🔝🔝👉🏻成個包係即叫即整，個皮超脆脆，好鬼靚呀！😍😍層次即刻再升三級呀！👍🏻👉🏻咬落去感嘆三者完美展現，真係好好食呀！豬扒又juicy 唔伯乾爭爭，夾埋菠蘿鮮甜，加埋個皮超脆👍🏻👍🏻👍🏻得左！👉🏻 同👦🏻都覺得好食過澳門🇲🇴所謂既馳名豬扒包多多聲✅✅✅✅👉🏻下午茶must encore 系列🤤🤤🤤———-$34紅磡冰室-紅磡——

門面牆上有電子餐牌枱上有一本餐牌蒜蓉包+炒蛋蒜蓉包好香，炒蛋炒得剛好，好滑蜜汁叉燒通心粉叉燒比較瘦，通心粉焾左一點，味道ok-今次一行三人，都係叫特餐$44（凍飲+$3）特餐係·蜜汁叉燒通心粉或沙嗲牛肉麵·配西煎雙蛋或炒蛋·牛油西多或蒜蓉包共$135，唔使+1

事源在今天，發現員工服務態度欠佳。本人一心響應環保， 所以一早已經預備食物環保盒，作為外賣用途，但是店內職員竟然回答我好忙 並沒有理會我， 本人因此在等候他完成工作後會幫我將外賣放入我的食物環保盒內，但是最後的結果是， 照舊將外賣放進膠盒內，真是多此一舉!

平時食紅磡冰室既雞翼撈丁食得多，晚飯小菜比較少食～晚飯時間唔算多人，唔使等位，一坐低，職員就拎左老火湯俾我，有雞腳同蓮藕，尚算可以～是日晚餐set有飲品送，order左黑椒薯仔牛柳粒，上菜速度都幾快，但牛柳粒麻麻地，炒得有啲韌，薯仔就都一般般～另一碟叫左梅菜肉粒蒸菜芯，睇落幾特別，但啲菜芯好硬，有啲難咬開，梅菜肉粒有啲辣椒同薑蓉吊味，幾好味既，送飯唔錯～餐飲order左凍檸茶，超多冰，大半杯冰，有啲誇張～～

一個人食飯，最好便是去茶餐廳，因為款式多而且很快速還有很多單人的一起陪你食呢！晚餐通常有五個選擇，除了主菜，還有中湯和餐飲。當天選擇了沙嗲肥牛煲，味道有點龍而且有點肥膩，但是很會送飯！而且份量也很多，就算一位男生也可以食得飽！