一遊

營業中

休息中

一遊午市套餐一向抵食，今日路過，梗係要回味下啦，睇吓水準有冇保持到先😃我哋兩個都叫咗壽司定食 （@128）一個跟烏冬，另一個蕎麥麵，湯底一樣，清淡醬油味，甜甜地。壽司🍣定食有六件壽司、四件卷物，呢個價錢，壽司都算新鮮，不過份量唔算好多，食晒都係六七成飽，跟住可能要去另一個地方食甜品😝值得一讚嘅係，卷物裏面都係魚生，有三文魚，吞拿魚，池魚等等，唔係青瓜卷物hea你😂定食仲有餐茶，我哋叫咗凍啡，熱檸水，正常味道。整體保持水準，下次會再嚟食。