喜棧 (已結業)

今日出左黎大埔食午餐，間間都好多人等位，最後揀左食喜棧，全靠店員熱情招呼，佢話緊枱好快有位，又sale啲抵食午餐，睇兩睇又真係幾吸引，一於食你啦。原汁柱候牛筋腩招牌野，梗系要叫番個share食，燜得十分入味，牛腩有肉感但又夠淋，牛筋入口溶化，真心堆介！豬潤肉丸粥唔多想食麵飯，叫碗粥食下先，有數片豬潤同肉丸，豬潤大大塊厚切，爽口得黎又唔係化學個種，肉丸鮮甜唔硬，大大碗好飽肚。鮮魚湯四寶四寶有魚蛋，魚條，魚腐同墨魚丸，味鮮爽口彈牙，魚湯清甜非味精，唔錯。糯米雞大大隻友人叫嘅糯米雞，荷葉香又夠熱，入面有鹹香嘅鹹蛋，軟腍嘅叉燒，仲有嫩滑雞肉同豬肉碎，十分飽肚。炸雞翼午餐包一個主食，一個小食同飲品。友人揀左炸雞翼，有兩隻雞全翼，真係幾抵食呀！友人話雞翼係生炸嘅，炸之前仲有豉油調過味，好正喎！！午餐好抵食，四十幾蚊食飽飽，最正係有杯茶飲下，杯茶每日唔同嘅健康茶，是日係桂花菊花茶，茶清又香，店員好勤力refill，正。