菊鮨 (已結業)

今日lunch係銅鑼灣返工，12點放lunch，所以當然飛過去登龍街永光中心先啦，免得之後要排隊。今次揀左6樓嘅菊鮨，見佢係新餐廳，就入嚟試吓。呢度除咗有卡位，bar枱更加有長枱，裝飾都好日式！呢到有午餐套餐精選，都幾抵食，包埋漬物，沙律，蒸蛋同麵豉湯，所以我地最後要左L餐刺身定食$258同K餐豐盛海鮮don $258。首先要講下一個蒸蛋超級滑，好好食！另外個刺身套餐冇諗過有生蠔非常之豐富！至於個海鮮don，都唔差，超級豐富，有三文魚，牡丹蝦，帶子，三文魚籽，連toro都有！