泰國婆

營業中

休息中

好耐冇入黎屯門行街，今次嚟到食一間泰國餐廳-泰國婆。餐廳細細間，不過都好有泰國裝修風格。-首先叫左泰式柚子鮮蝦沙律，柚子嘅份量比想像中多，而且柚子同蝦都好新鮮，幾吾錯。-小食方面揀左泰式燒豬頸肉、香茅雞翼及泰式炸蝦餅，豬頸肉燒得好正好有風味，蝦餅亦都炸得好酥脆，沾上泰式醬汁食更加有風味。不過雞翼調味略微有少少不足。-食泰菜當然要有泰式冬陰功湯，個湯嘅材料非常豐富，有勁多菇，食落好有口感，而湯嘅味道亦都幾吾錯，辣辣地好有風味，不過蝦肉就比較普通。-另外仲叫左鳳尾蝦炒金邊粉及泰式海南雞飯，金邊粉炒得幾有火喉，味道亦都相當地道，食到停吾到口。海南雞都吾差，雞幾嫩滑，尤其係個飯，好香嘅雞油味，好有驚喜。-最後叫左兩道甜品，分別係芒果糯米飯及泰式街頭椰子粟米雪糕。味道都吾錯，特別鐘意椰子粟米雪糕，估吾到椰子粟米係甘夾，好食到不得了。