拾味正宗刀削麵館 (歌賦街) (已結業)

今日lunch好想食刀削麵但又唔想去銅鑼灣咁遠，所以就搵下中上環有無，原來又真係有喎！🤪位置係歌賦街尾，都算偏僻🤯由於去到都係12點所以都無乜人。坐低QR Code自助落單食物配搭種類都算多。落完單唔洗10分鐘麵同餸都一齊上。👍🏻豬頸肉刀削麵($55)麵煮得岩岩好，好煙韌，有咬口，同埋都好大碗，岩晒我呢個大胃王😂豬頸肉好爽又唔肥，份量都多！由於走麻辣，所以唔知佢個麻辣好無食😂食完都係12點半，鋪頭都係得3枱，我估應該真係比較遠所以客比較小🥲我諗如果下次我諗唔到lunch食乜我都實會過嚟食😝😝推薦？🟡🟡🟡🟡🟡中環平靚正，好味之選！唯獨係位置上有小小遠。不過都要去支持小店！