影片
更多
2023-05-21
38 瀏覽
開心星期五放工約咗朋友嚟到灣仔幸屋食拉麵，7:30去到已經坐滿晒人，好彩我哋等咗15分鐘就有位。食物方面，除咗有唔同口味嘅拉麵之外，都有沾麵，另外仲有一啲日式小食同飲品等等，價錢合理。櫻花蝦味噌拉麵($88)湯底幾重櫻花蝦味，湯嘅質地唔算好杰，帶少許味噌嘅鹹味。拉麵可以揀佢嘅粗幼度同埋質感，我哋揀咗幼既硬麵，都幾掛汁。豚肉方面可以揀叉燒同埋豚角煮，我哋揀咗兩樣都有，叉燒比較薄身，肉質算腍。豚角煮肥瘦分明，厚身得黎肉質好腍，而且幾入味，個人比較中意豚角煮多d~蝦汁帆立貝沾麵($128)沾麵既湯夠熱，質感杰身，有少許蝦同帆立貝嘅鮮味。麵可以揀熱麵同凍麵，我地就揀左凍麵，質感幾煙韌同掛汁。沾麵更配有帆立貝、豚角煮、櫻花蝦、蛋同紫菜等等，都幾豐富~和風餃子($38)煎法同冰花餃子一樣，表面有一層薄脆。餃子餡料飽滿，菜肉比例均勻，面頭更放上木魚碎同沙律醬，味道有啲似食緊章魚小丸子，味道幾夾。芝士年糕($38)外皮炸到金黃香脆，年糕口感軟糯煙靭，趁熱食啲芝士仲有少少流心，幾香芝士味。
食物方面，除咗有唔同口味嘅拉麵之外，都有沾麵，另外仲有一啲日式小食同飲品等等，價錢合理。
櫻花蝦味噌拉麵($88)
湯底幾重櫻花蝦味，湯嘅質地唔算好杰，帶少許味噌嘅鹹味。拉麵可以揀佢嘅粗幼度同埋質感，我哋揀咗幼既硬麵，都幾掛汁。豚肉方面可以揀叉燒同埋豚角煮，我哋揀咗兩樣都有，叉燒比較薄身，肉質算腍。豚角煮肥瘦分明，厚身得黎肉質好腍，而且幾入味，個人比較中意豚角煮多d~
蝦汁帆立貝沾麵($128)
沾麵既湯夠熱，質感杰身，有少許蝦同帆立貝嘅鮮味。麵可以揀熱麵同凍麵，我地就揀左凍麵，質感幾煙韌同掛汁。沾麵更配有帆立貝、豚角煮、櫻花蝦、蛋同紫菜等等，都幾豐富~
和風餃子($38)
煎法同冰花餃子一樣，表面有一層薄脆。餃子餡料飽滿，菜肉比例均勻，面頭更放上木魚碎同沙律醬，味道有啲似食緊章魚小丸子，味道幾夾。
芝士年糕($38)
外皮炸到金黃香脆，年糕口感軟糯煙靭，趁熱食啲芝士仲有少少流心，幾香芝士味。
張貼
