和牛燒肉‧純

營業中

休息中

聖誕未諗到去邊慶祝，不如試下呢間餐廳，而家做緊特價2人餐，人均幾百蚊就食到飛驒牛既唔同部位，好抵食🎄特選飛驒牛燒肉聖誕套餐（$1580 for 2）🐟刺身章紅魚同吞拿魚都好厚身，魚脂豐富🥗炸蘿蔔絲沙律第一次見用炸蘿蔔做沙律，入口脆卜卜，沙律汁酸酸甜甜，非常開胃🥚前菜三點茶碗蒸好嫩滑，入面仲有一絲絲既雞肉，加上鮮甜既帶子，即時貴氣左蛋黃醋魷魚酸甜開胃，非常惹味甜甜哋既壽喜燒醬汁滲透哂係牛肉入面，令到牛肉嘅鮮甜味更加突出。🐂飛驒牛和牛味噌燒店員會用燒過既杏鮑菇搽滿自家製味噌醬，再放上特選牛扒肉同京蔥做成多士咁，一啖放入口，油脂同杏鮑菇既肉汁溶為一體，味道同口感都好富。仲有和牛上牛排肉、特選飛驒牛牛排肉同特選飛騨牛肉眼，每一片都油花分佈均勻，燒完之後肉汁豐富，仲有滿滿既牛脂。牛舌爽脆彈牙，日本產豚腩肉肥瘦適中，用左特製既醬汁醃製，食落辣辣地好惹味口感一流。🦐海鮮石頭鍋飯海鮮飯既份量都唔惹少，大蝦、魷魚、帶子樣樣齊，底部仲有香噴噴既飯焦。再撈埋餐廳特製既蒜香蟹膏忌廉醬，簡直一絕🍧柚子雪葩酸酸甜甜，正好中和返牛脂同鍋飯既飽膩感。