影片
更多
2022-10-07
124 瀏覽
平時都少去荃灣果頭，今次難得入黎，一於試下人氣大熱嘅荃灣台式小店！呢間餐廳連MM都有報道過，經常排曬長龍，一路食，外邊啲人一路望入嚟睇有咩食同埋幾時有位！小店由港台夫婦一齊經營，每一款菜式都好有故事。食物原汁原味由台灣廚師炮製，係連台灣人都覺得正宗台灣味道嘅台菜！餐廳雖然坐到滿曬，但都算有空間感，張枱擺滿啲菜都唔會好迫；用QR code落單📱，夠曬方便！------------------------------🐓◖鹽酥雞套餐◗ $85一個套餐試曬必點嘅九層塔鹽酥雞同滷肉飯，仲可以用優惠價跟埋一杯嘢飲！鹽酥雞超級酥脆，椒鹽味好香好惹味😛！會跟餐跟一碗細嘅滷肉飯，半肥瘦滷肉入口軟糯，採用台灣蓬萊米，米粒有咬口，平均沾滿滷肉嘅肉汁，配埋啲少少辣嘅鹹菜，幾好嘅配搭！🥘◖秘製花雕麻油雞湯◗ $52私心推薦👍🏻！好濃郁嘅當歸同埋其他藥材味，真材實料冇味精，飲落少少回甘，係媽媽煲湯嘅味道～個湯都有幾多雞件，而且肉質食落唔會乾柴，但個湯略嫌雞油多咗啲。🧀◖肉鬆起司蛋餅◗ $38食台灣菜最期待就係佢個蛋餅！呢款蛋餅係手抓餅嘅質地，有好多層嘅酥皮，香脆有口感，面頭有一堆香蔥，芝士鹹鹹地，肉鬆又甜甜地，一
------------------------------
🐓◖鹽酥雞套餐◗ $85一個套餐試曬必點嘅九層塔鹽酥雞同滷肉飯，仲可以用優惠價跟埋一杯嘢飲！鹽酥雞超級酥脆，椒鹽味好香好惹味😛！會跟餐跟一碗細嘅滷肉飯，半肥瘦滷肉入口軟糯，採用台灣蓬萊米，米粒有咬口，平均沾滿滷肉嘅肉汁，配埋啲少少辣嘅鹹菜，幾好嘅配搭！
🥘◖秘製花雕麻油雞湯◗ $52
私心推薦👍🏻！好濃郁嘅當歸同埋其他藥材味，真材實料冇味精，飲落少少回甘，係媽媽煲湯嘅味道～個湯都有幾多雞件，而且肉質食落唔會乾柴，但個湯略嫌雞油多咗啲。
🧀◖肉鬆起司蛋餅◗ $38
食台灣菜最期待就係佢個蛋餅！呢款蛋餅係手抓餅嘅質地，有好多層嘅酥皮，香脆有口感，面頭有一堆香蔥，芝士鹹鹹地，肉鬆又甜甜地，一齊食味道好有層次！
🥓◖椒鹽甜不辣◗ $28
甜不辣切到薯條咁，咬落佢似比較煙靭嘅魚肉手指，幾香魚鮮味，落咗椒鹽夠曬惹味！
🧋◖大紅袍珍珠奶茶◗ 跟餐+$15
大紅袍茶味好香，而且珍珠唔會太甜，有個備注欄位，可以俾我寫走甜，好貼心！
🧋◖仙草烏龍奶茶◗ $25
叫咗少甜，烏龍奶茶夠濃夠順喉，茶底好正！
🌟Encore指數：9/10
------------------------------
小店嘅嘢食好抵食，價錢好抵而且夠大份！有好多地道嘅台灣菜式係出面比較少見，好似大腸包小腸呢啲～佢啲食物夠曬地道正宗，私心推薦佢嘅藥膳湯，好香藥膳嘅味道，真係值得一試；佢嘅珍珠奶茶都幾好飲，茶底香濃，分分鐘仲好飲過出面果啲台式飲品！
張貼
