星怡

營業中

休息中

好耐無食星馬菜🇸🇬收工就同同事嚟咗星怡食晚餐 最近先發現原來黃大仙開咗分店 對於喺九龍東返工嘅我哋來講又近咗😆同I Square分店一樣 裝修以tiffany blue為主調 木系餐桌同藤椅 感覺柔和舒服✨食物選擇都同樣多▪️娘惹蘿蔔糕每次食星馬菜必點嘅小食 充滿蒜香 勁惹味🤤再加埋蛋/芽菜/蔥花 味道更加香更加有層次▫️雞髀辣死你媽 椰漿飯超大隻嘅雞髀 相信係好多人嘅心頭好🫶🏻外層炸至金黃色脆卜卜 雞肉保持嫩滑 處理得好好 椰漿飯係藍色㗎😍煮得乾爽粒粒分明 識食一定配埋魚仔同花生食▪️安格斯肥牛魚蛋喇沙麵食湯麵最怕牛肉會煮到好韌 意料之外入口仲好嫩👍🏻仲有呢度嘅魚蛋真係必食 超彈牙而且味道濃郁 湯底嘅椰香味幾突出 豆卜索晒湯汁不得了當然唔少得叫埋特式飲品🥤芒果椰汁沙冰 芒果同椰汁味好平均 夠清新 而美祿恐龍好有童年感覺 細個最鍾意飲美祿☺️