影片
更多
2023-11-02
284 瀏覽
講左好耐話想行Airside, 今日終於同朋友一齊過去拜會下，lunch time去到Airside當然係要食野先啦，未試過呢間🩵NAM NAM VIETNAMESE CUISINE🩵 越南餐廳，見到出面個lunch set餐牌幾吸引就入左去。扎肉蒸粉包 + 堤岸蔗蝦每人叫左一個$88的lunch set (另加一服務費)，手機落單，方便快捷。套餐包左每人一份的小食，扎肉蒸粉包有小小辣，估唔到幾好味，而個堤岸蔗蝦炸得都好香，呢份小食的確有一點驚喜😋。越南魚露撈檬(香茅豬扒)今日熱熱地，就叫左個撈檬食，可能因為佢落左魚露的關係，味道好清新特別，配埋檬粉必落的醬汁，非常清爽開胃，香茅豬扒都尚可，不過不失。咖哩雞 配 白飯咖哩唔係平時食開港式咖哩好濃郁又渴撻撻的感覺，呢款越南咖哩汁較稀，但咖哩味十足，加上淡淡椰香味，越南風味十足；而隻雞炆得都幾林同幾入味。薏米水(凍)﹑桂圓茶(熱)薏米水非常解渴，桂圓茶都味道十足是日糖水：椰汁香芋西米露要買靚芋頭都唔易，呢個香芋西米露的芋頭真係好香好好味！由入座，上傳食物到離開餐廳，職員都好好禮貌，笑容滿面，招呼十足。而餐廳環境都十分光猛又幾乾淨，整體感覺良
扎肉蒸粉包 + 堤岸蔗蝦每人叫左一個$88的lunch set (另加一服務費)，手機落單，方便快捷。套餐包左每人一份的小食，扎肉蒸粉包有小小辣，估唔到幾好味，而個堤岸蔗蝦炸得都好香，呢份小食的確有一點驚喜😋。
越南魚露撈檬(香茅豬扒)
今日熱熱地，就叫左個撈檬食，可能因為佢落左魚露的關係，味道好清新特別，配埋檬粉必落的醬汁，非常清爽開胃，香茅豬扒都尚可，不過不失。
咖哩雞 配 白飯
咖哩唔係平時食開港式咖哩好濃郁又渴撻撻的感覺，呢款越南咖哩汁較稀，但咖哩味十足，加上淡淡椰香味，越南風味十足；而隻雞炆得都幾林同幾入味。
薏米水(凍)﹑桂圓茶(熱)薏米水非常解渴，桂圓茶都味道十足
是日糖水：椰汁香芋西米露要買靚芋頭都唔易，呢個香芋西米露的芋頭真係好香好好味！
由入座，上傳食物到離開餐廳，職員都好好禮貌，笑容滿面，招呼十足。而餐廳環境都十分光猛又幾乾淨，整體感覺良好。
張貼
