幸屋

營業中

休息中

去開灣仔就不期然想去幸屋吃拉麵，因為好食抵食分量足，而且時不時有期間限定的特色拉麵供應，有新鮮感和驚喜。今日和妹妹去灣仔買聖誕裝飾，又去幸屋幫襯。今日揀左期間限定北海道蟹味噌湯拉麵。個麵賣相無得輸，合味道，好好食。幼麵彈牙，軟硬適中，湯底濃香惹味而不咸，料豐富，兩大塊义燒香滑有肉味，溏心蛋好香又有蛋味，紫菜，木耳絲，椰菜，荀片和葱增加口感。正!日式蒲燒鰻魚丼飯有驚喜，日本米飯有飯味口感佳，蒲燒鰻魚大條厚肉，鮮嫩肥美，醬汁咸中帶甜，襯托出鰻魚風味，加埋一隻溏心蛋，簡單而豐富，推介!小食芝麻手羽外皮香脆雞肉結實。和風餃子好味道，一份六隻最啱兩個人分享，餃子外皮煙韌餡鮮味。前菜荳芽任食，爽脆，酸辣惹味，好味。