茶聊

營業中

休息中

二訪旺角依間樓上餐廳「茶聊」，見雪櫃居然難得有齊5款自家製蛋糕，仲要推出咗新嘅開心果飲品系列，一於今次揀堂食，好好體驗一下，整體服務幾好，難得一見西餐廳居然無收加一服務費。風乾德國脆豬手配薯角芥末蜜糖醬（單點$178），豬手外皮口感脆卜卜，肉質厚嫩、帶點骨膠原，配以芥末蜜糖醬食用，食落好惹味，薯角份量多，配以番茄醬食用，味道更佳。海王櫻花珍寶巨蝦配龍蝦忌廉汁意大利粉（單點$168），虎蝦好大隻，肉質爽口，表面鋪滿櫻花蝦，食落好香口，加上虎蝦有炸透，連蝦殼都可食用，口感香脆，扁意粉口感軟硬適中，略嫌龍蝦忌廉汁份量較少，加上味道偏淡，令意粉食落稍為失色。自家製甜品（單點$48），焦糖拖肥忌廉卷蛋，表面鋪有草莓、忌廉、糖粉、紫薯粉，卷蛋口感鬆軟，採用日本蘭王蛋製作，蛋香味濃，配以焦糖拖肥忌廉食用味道香甜、帶點焦香味道，整體口感濕潤。自家製甜品（單點$48），紐約芝士餅，蛋糕口感厚身，芝士味道濃郁。開心果椰椰（單點$45），杯緣位置鋪有開心果醬、開心果，味道濃郁，開心果奶蓋口感濃稠，配以椰青水飲用，味道清甜，味道上意想不到的合襯。芝芝莓莓（單點$44），芝士奶蓋口感綿密，味道鹹香，雜莓沙冰味道